ماجستير الادارة في الجامعة الافتراضية السورية – شروط وفحوص القبول

ماجستير الادارة في الجامعة الافتراضية السورية

ماجستير تاهيل و تخصص ادارة الجودة miq

ماجستير تاهيل و تخصص ادارة التقانة pmtm

ماجستير تاهيل و تخصص ادارة اعمال mba

في الجامعة الافتراضية السورية svu

[اخر تحديث مفاضلة خريف 2018]

شروط التقدم و معلومات اكتر عن ماجستير الادارة في الجامعة الافتراضية السورية

ماجستير الادارة تاهيل و تخصص يعني ما فيك تتابع بعدو دكتوره

حساب معدل القبول في ماجستير الادارة الجامعة الافتراضية السورية

ماجستير ادارة اعمال (معدل القبول بالمفاضلة الماضية كان %65)

  • 40% معدل التخرج من الجامعة
  • 40% امتحان قبول
  • 10% اذا جامعة حكومية
  • 5% اذا جامعة خاصة او تعليم مفتوح
  • 10% معامل اختصاص (لغير طلبة الاقتصاد)

 

ماجستير ادارة تقانة (معدل القبول بالمفاضلة الماضية كان %68)

 ماجستير ادارة جودة (معدل القبول بالمفاضلة الماضية كان %65)

  • 45% معدل التخرج من الجامعة
  • 45% امتحان قبول
  • 10% اذا جامعة حكومية
  • 5% اذا جامعة خاصة او تعليم مفتوح

تكلفة الدراسة ماجستير الادارة الجامعة الافتراضية السورية

التكلفة داخل سورية

رسم المادة مع رسم امتحاني 22000 (تدفع عند تسجيل المادة و  عند كل اعادة )

رسم مشروع التخرج 60000

  • المجموع الكلي ماجستير تأهيل و تخصص ادارة اعمال 400000
  • المجموع الكلي ماجستير تأهيل و تخصص ادارة جودة  375000
  • المجموع الكلي ماجستير تأهيل و تخصص ادارة تقانة 425000

التكلفة خارج سورية

رسم المادة 150$

رسم مشروع تخرج 400$

المنح و الحسومات

 

امتحان القبول ماجستير الادارة الجامعة الافتراضية السورية

جميع المتقدمين لبرامج ماجستير الادارة (اعمال – جودة – تقانة) في الجامعة الافتراضية السورية بيخضعوا لفحص موحد مشتق من فحص الإدارة المعتمد GMAT

فحص القبول بيشمل عدة أنواع من الأسئلة سواء أسئلة نظرية او حسابية او اسئلة تتطلب تفكير ومحاكمة بهدف التحقق من قدرتك على التفكير النقدي التحليلي وعلى اتخاذ القرارات

بس خلونا ناكد ان فحص القبول فحص غير تخصصي يعني لا يتطلب دراستك لفرع جامعي معين (اقتصاد مثلا) مع اخذ بعين الاعتبار ضرورة توفر حد ادنى من المعرفة بالرياضيات و اطلاع بسيط على اساسيات الإدارة والشركات

GMAT (Graduate Management Admission Test)

اختبار GMAT هو مقياس عالمي معتمد لكل الطلاب والعاملين بمجال الإدارة بمختلف افرعها

الجامعة الافتراضية السورية تعتمد نسخة مختصرة من الاختبار ضمن فحص قبول المتقدمين لبرامج ماجستير الإدارة (اعمال –  جودة – تقانة)

معلومات عن امتحان القبول

مدة الاختبار: ساعة وربع

عدد الأسئلة: حوالي 50 سؤال بمعدل دقيقة ونص عكل سؤال

لغة الاختبار: عربي – إنكليزي

نمط الأسئلة: اختيار من متعدد

لا يسمح باستخدام الالة الحاسبة

ملاحظة: لسبب مجهول كل سنة بينكتب ضمن ملاحظات الفحص إمكانية استعمال الالة الحاسبة وبالأخير بينمنع استخدامها بالامتحان

المطلوب بامتحان القبول

متل ما قلنا امتحان ماجستير الادارة في الجامعة الافتراضية السورية هو امتحان مختصر من امتحان الإدارة المعتمد GMAT والمطلوب من قبل الجامعة 3 قسام منه بس

  • Problem Solving
  • Data Sufficiency
  • Critical Reasoning

كل قسم منهن هو بحث وبيتطلب مهارات وطريقة حل مختلفة

بالإضافة بيتضمن فحص الجامعة الافتراضية جزء نظري عن اساسيات الادارة والاعمال

مصادر التحضير لامتحان القبول

بتنزل هاد الكتاب GMAT Official Guide  يلي هو الكتاب الرسمي للتحضير لفحص GMAT

ويتدرس الفصول المطلوبة منه

الكتاب بيحوي مراجعة لكل القواعد الرياضية يلي ممكن تستعملا بحل الأسئلة

الكتاب مقسم الى فصول متل ما ذكرنا سابقا نحن مطالبين من قبل الجامعة ب 3 فصول

كل فصل هو نمط من الأسئلة هدفه يختبر قدرات معينة عند الطالب وبيتطلب مهارات و خطة حل مختلفة لهيك اهم شي تقدر تميز بين كل نمط من أنماط الأسئلة

كل فصل ببلش بشرح عن نمط الأسئلة وشو المطلوب وشوية نصائح للحل بعدين عندك اكتر من 150 سؤال جرب بس تذكر شي طبيعي تلاقي صعوبة وتحس انك ما عم تعرف تحل الشغلة بدا وقت وتكررا

ذا ما مشي حالك باخر كل فصل رح تلاقي الأسئلة محلولة ومشروحة بطريقة بسيطة

تذكر الأسئلة بالامتحان بتكون مشابهة بشكل كبير لنمط الأسئلة المطروح

اذا لغتك الإنكليزية منيحة مصادرك غير محدودة كتب مقالات ومقاطع فيديو موجودة وبالعشرات بحث سريع ع Google  وبكون عندك كلشي بدك ياه بس تذكر نحن مطالبين بتلت اقسام بس يعني ما تندمج اكتر من اللازم

متل ما حكينا بالاضافة للفصول السابقة في قسم نظري حوالي (20%) وبيشمل عموميات اقتصاد وشركات وادارة يعني اذا دارس لقتصاد لازم تعرفون و اذا دارس هندسة هنون النظري يلي اخدتو ب ادارة المشاريع

ملفات مراجعة للنظري

للمزيد : انضم لمجموعتنا ع الفيسبوك

ملاحظة هامة

لمساعدة الطالب بالتحضير للامتحان تم اعداد دليل تطوعي عربي يشمل شرح كامل عن الفحص بالاضافة للقواعد الرياضية و اسئلة محلولة ومشروحة … الدليل موجود ع مجموعتنا ع  فيسبوك

ملاحظات تحضير الامتحان

تذكر الملاحظة يلي كتبناها سابقا دقيقة ونص عكل سؤال وبلا حاسبة هل الشي يعني انو الأسئلة مصممة لتنحل بدقيقة ونص وبلا حاسبة

أسئلة القبول ع الأقل القسم الحسابي منا مو المطلوب منك حل السؤال وإيجاد النتيجة الصحيحة لانه ببساطة غالب الاسئلة سهلة وبتنحل المطلوب منك تحل السؤال بلا حساب وبأقل من دقيقة وهل الشي بيتطلب كتير وكتير من التدريب لتفهم الية التفكير المناسبة والصحيحة

اثناء التحضير للامتحان شيء طبيعي تلاقي صعوبة وتحس انك ما عم تعرف تحل الشغلة بدا وقت وتكررا كتير ما تخاف كم يوم وبتصير تحل سؤالين سؤالين سوا

برجع ذكر فحص القبول فحص غير تخصصي يعني لا يتطلب دراستك لفرع جامعي معين (اقتصاد مثلا) مع اخذ بعين الاعتبار ضرورة توفر حد ادنى من المعرفة بالرياضيات و اطلاع بسيط على اساسيات الإدارة والشركات

ملاحظات للتاجيل العسكري

ورقة التاجيل بتستلما بعد القبول و التسجيل ودفع الرسوم

تقريبا بالشهر التاني لمفاضلة الخريف او باخر الشهر السادس لمفاضلة الربيع

العمر الاعلى للتسجيل ع الماجستير هو 26 لجامعات الخمس سنين و 25 سنة لجامعات الاربع سنين

اقل من العمر بتتأجل مباشر من الشعبة غير هيك بدا بعتة ع الشام للدراسة

العمر الاعلى للتاجيل ع الماجستير هو 29 سنة

 ساعدنا:

هل الصفحة وكل المعلومات يلي فيا هي مفتوحة المصدر يعني فيك تضيف او تعدل اي معلومة
لتساعدنا و تساعد الطلاب  من هون

ملاحظة هامة:

هي الصفحة صفحة غير رسمية و كل المعلومات يلي فيا هي من كتابة طلاب ماستر
بهدف مساعدة الطلاب الجدد وهي معلومات ونصائح من الطلاب
ولا تعتبر ملزمة للجامعة