WordPress دورة انشاء وادارة موقع انترنت بسهولة (مقدمة)

WordPress – دورة انشاء وادارة موقع انترنت بسهولة

WordPress  هي اداة مجانية مفتوحة المصدر لإنشاء وادارة المواقع الإلكترونية مبنية بلغة PHP
بالعربي WordPress بتخليك تعمل موقع “بخمس دقايق بلا برمجة!”
انو مو خمس دقايق خمس دقايق بس اي حدا بشوية خبرة ممكن يعمل موقعو الاول ع النت
سواء كان مدونة او موقع شخصي او حتى متجر الكتروني صغير

المحتوى:
– ادارة المحتوى CMS content mangment system
– شو بتقدملك  WordPress ؟
– شغلات لازم تعرفا قبل ما تبلش
– معلومات خاطئة عن WordPress
– مين بيستعمل WordPress ؟

ادارة المحتوى content management system CMS

طيب خلينا نبلش وحدة وحدو شو يعني ادارة محتوى ؟

WordPress بلشت بالاول كاداة تدوين blogging بعدين تطورت و صارت اداة ادارة محتوى كاملة (cms)
و بادارة المحتوى قصدي انك تعمل الموقع و تديرة و تمشي اموره بالكامل بدون ما تدخل ب شغل برمجي
و كلو من خلال لوحة تحكم

يعني للتقريب متل صفحتك ع الفيسبوك فيك تضيف تحذف تعدل بوستاتك بسهولة
الفرق الوحيد انو  WordPress البوست ممكن يكون مقالتك او منتجك او …

ادوات ادارة المحتوى كتيرة و منها WordPress Drupal Joomla
بس WordPress رقم واحد من دون منازع بتقريبا 60% من السوق

شو بتقدملك WordPress ؟

طيب نرجع نعد شو بتقدملنا WordPress
رح بنلش نفصل الحديث لمسارين
غير المبرمجين “انا بدي اعمل موقع ع السريع بدون وجعة راس”
المبرمجين “انا حابب صير مبرمج WordPress لاشتغل مواقع للعالم”

لغير المبرمجين WordPress مجانية سهلة التعلم لا تتطلب خبرات سابقة
WordPress ممكن تخصيصا و تفصيلا بسهولة و ممكن اضافة او توسيع الخدمات المقدمة بشكل كبير
مجتمع WordPress مجتمع كبير يعني عندك الاف المبرمجين وهل الشي يعني شو ما بدك موجود و معمول مسبقا
مهما كان نوع الموقع يلي عم تعملو بس “نزل” وما في داعي لتعمل الشغلة من الصفر

بالنسية ب يلي حابين يصيرو مبرمجين WordPress
سوق عمل ضخم جدا سواء ع النت او بشكل حر او حتى كشركات في العالم العربي و سورية
WordPress واغلب الاضافات و القوالب الخاصة فيها مفتوحة المصدر تحت رخصة GPL
تفاصيل اكتر عن الموضوع

WordPress للمبرمجين
رخصة الاستخدام GPL
العمل الحر [additional notes – freelancer **]

شو الشغلات يلي لازم تعرفا قبل ما تبلش ب WordPress ؟

لغير المبرمجين
نوعا ما ولا شي بدك تكون تعرف تشتغل ع الكمبيوتر و النت منيح و تعرف تقرا شو عم ينقلك و تكبس الزر يلي مكتوب عليه اكبوس هنا و بس

للمبرمجين
باختصار اذا بدك تشتغل صح لازم تكون تعرف تعمل موقع او شبه موقع ع ال php
يعني html,css,js,php,mysql
في عالم رح تقلك مو ضروري و مو صحيح هل الحكي
قلون لا صحيح شو بتفهمو اكتر من شعيب (انا)

دورة php [php **]

معلومات خاطئة عن WordPress

في كتير معلومات و افكار خطأ عن WordPress و كتير منشوفا بالنقاشات ع النت عنا بالبلد

WordPress مو امنة !
اولا من ناحي تقنية ما في شي اسمو لغة برمجة او فريمورك امنة او مو امنة
بس متل ما قلنا سابقا WordPress مفتوحة المصدر و منتشرة
وهل الشي خلا اي حدا يعمل مواقع واضافات WordPress
وهل اي حدا مو ضروري يكون بيفهم دائما

طيب يعني كون مطمن انو موقعي بامان ؟
لتضمن امن الموقع لازم تعمل كم حركة وتنتبه من كم شغلة
الموضوع مو كتير معقد بس ما بيقبل اهمال

ضمان الامن في مواقع WordPress

WordPress تصميماتا مملة و متشابها!!
كمية التصاميم الاحترافية و المجانية الموجودة ويلي جاهزة للتنزيل بكبسة زر اكبر ب كتير من انك تتخيلا
مشان ما طول عمول بحث ع غوغل wordpress theme وشوف و تمتع ب الاف التصاميم يلي بتسطل

افضل قوالب المجانية
افضل قوالب WordPress المدفوعة  [additional notes – WP best baid thems **]

مين بيستعمل WordPress

حاليا 30% من مواقع العالم بتشتغل ع WordPress !!!!
بيناتون مواقع كبيرة و مشهورة لشركات عالمية و ناس وبلوغر مشهورين
شوية امثلة
وكالات اخبار عالمية Time Magazine/ BBC America / Reuters Blogs / The New Yorker
شركات فنية The Next Web / Sony Music / MTV News / The Walt Disney Company
مدونات تقنية مشهورة Microsoft News Center / Mashable / TechCrunch
ممثلين مطربين الاشهر عالميا Beyonce / Katy Perry / Justin Bieber / Sylvester Stallone
شركات و موسسات عملاقة Harvard Gazette Onine / nasa blog / Mercedes-Benz

وبسورية درجت كتير WordPress و خاصة مع المدونات المربوطة بصفحات الفيسبوك
يعني تقريبا 99% من كل صفحات الفيسبوك يلي عندا مواقع انترنت و بتنشر مقالات و روابط عليها هي WordPress
متل
صفحات التسلية متل الاوفردوس و نيودوس و توابعا …
صفحات اخبار متل مراسلون
صفحات تقنية متل التقنية السورية

المقالة التالية

WordPress دورة بناء وادارة موقع انترنت بسهولة (اساسيات)

اقتراح طلب مقالة

– عندي تعليق او سؤال بالتعليقات تحت
– خريج جديد و ما حدا عم يوظفك لانو ما عندك خبرة وحدة من الشغلات يلي فيك تعملا تكتب او تصور دروس تدربية متل هي و تنشرا اول شي بتتعلم شغلات جديدة و ممكن تفيد عالم تانية و مشان يصير عندك شي تحطو ب ال cv
لهيك اذا عندك مقالة بمجال برمجي فيك تبعتلنا ياها و منزلا باسمك و منحطلك رابط و يلي بدك ياه