WordPress مشروع عملي – المظهر

WordPressمشروع عملي – المظهر appearance

اخر بوست عن لوحة التحكم ب WordPress شوف البوست الماضي

طبعا خلينا احلا شي لاخر المظهر او التصميم تبع الموقع و كيف تعدلو و تزبطو ع كيفك

اوك خلينا نبلش

من لوحة التحكم فوت ع المظهر appearance رح يطلعك قائمة صغيرة فيا كومة خيارات رح نبلش وحدة وحدة

القوالب themes

اول خطوة انك تزبط تصميم الموقع تبعك انك تنقي قالب او تصميم للموقع

و طبعا الشغلة سهلة و في الاف التصاميم المجانية و المدفوعة لتنزلا بكبسة زر

الصعب بالموضوع انك تنقي لهيك عملنالك هل القائمة باحلا التصاميم المجانية حسب ذوقنا

القوائم menus

القوائم يلي بتشوفا بالقالب سواء اعلى الصفحة او بالاخر هون فيك تعدلا متل ما بدك و تضيف الا روابط و تحذف

المهم اول شي نقي القائمة يل بدك تعدل عليها (اذا كان القالب يلي منزلو فيه اكتر من قائمة)

بعدين فيك تعدل الروابط يلي بالقائمة بسهولة فيك تكبس ع العنصر و تسحبو لفوق او تحت لتحدد ترتيبة بالقائمة

فيك تكبس السهم وبيطلعلك خيارات الرابط فيك تغير الاسم مثلا وردبرس تعملا WordPress

طبعا لتفهم منبح عدل بالقوائم و فتاح الموقع وشوف الفرق (ملاحظة بعد كل تعديل بدك تحدث صفحة المتصفح مشان تكلع الشغلات الجديدة يلي عملتا)

فيك كمان تضيف روابط ع القائمة بسهولة من القائمة يلي ع الطرف فيك تنقي الرابط يلي بدك تضيفو و تسحبو ع القائمة

فيك تنقي من الصفحات يلي عندك ياها مثلا عملت صفحة اسما اتصل بنا فيك تضيفا  ع القائمة

WordPress  كمان رح يحطلك كل الفئات يلي عندك مشان تضيفا و طبعا WordPress رح يزبط الروابط لحالو يعني مثلا اذا كبست ع رابط شي فئة ولتكن البسة رجالية رح يطلعلك صفحة فيا بس الالبسة الرجالية يعني بس البوستات ضمن هل الفئة

في خيارات تانية متل تضتيف روابط متل ما بدك حط الاسم و الرابط مثلا لتضيف رابط بصفحة الفيسبوك

بالاخير ما تنسى تعمل حفظ للقائمة مشان تحفظ التغييرات يلي عملتا

ويدجت widgets

ما الا اي ترجمة عربية مفيدة

المهم فوت ع الويدجت رح يطلعلك كومة خيارات كل قوالب WordPress بتجي بمناطق خاصة لتحط فيا الودجت مثلا ع الطرف sidebar او اسفل الموقع footer وحسب القالب ممكن يكون عندك كومة خيارات

طيب شو يعني ويدجت ؟!
مشان ما نكتر حكي رح نعطيك مثال ع الطرف في عندك كومة الويدجت يلي فيك تسحبا و تضيفا ع اي قسم موجود بالقالب فرضا sidebar من هل الويدجت في وحدة اسما اخر المنشورات recent posts سحبا و حطا بال القسم الجانبي sidebar

وروح ع الموقع و حدث الصفحة رح يطلعلط ع الطرف قسم جديد في اخر البوستات يلي نزلتا و كل ما نزلت بوست جديد رح يطلع هون و هي المستخدم في يشوف اخر البوستات

جرب ويدجت تانية مثلا البحث search ورجاع ع الموقع رح يطلع عندك محل للبحث و شغال تماما

هيك بتكون عرفت شو الويدجت هي شغلة بتسمحلك تضيف تعليمات جاهزة مشان تجيب للمعلومات الموجودة بقاعدة البيانات و يعرضا بشكل ديناميكي للمستخدم

طبعا متل القوائم فيك تسحب لفوق ولتحت و فيك تكبس لتشوف خيارات جديدة حسب الويدجت

الاقسام يلي فيها تحط فيا الويدجت بتختلف من قالب لقالب

طبعا في كومة ويدجت وفي كومة كبيرة فيك تنزلا بس الاساسيات هي اخر البوستات اخر لالتعليقات الفئات بحث

وفي ع الانترنت مئات تانية

تخصيص customize

خلينا احلا قسم لاخر شي

هون بتعدل التصميم ع مزاجك بتعدل الالوان الخطوط يلي بدك ياه

كبوس تخصيص رح ياخدك ع صفحة جديدة فيا الخيارت يلي فيك تعدلا ع تصميم الموقع او اي تعديل بتعملو رح يطلع مباشرة

بس تخلص كبوس نشر publish مشان تحفظ التغيرات

طبعا كل قالب الو خيارت مختلفة عن التانين بس الاساسيات الخلفية و اللوغو الصور و الالون و الخطوط و التصميم مثلا بدك يطلع 3 بوستات جنب بعص او بوست واحد لصورة كبيرة او بدك يطلع اسم البوست بالاول او تحت الصورة

الخيارات كتيرة و متل ما قلت الا علاقة بالقالب نفسو بدك تفوت و تجرب و تشوف النتيجة يلي طلعت