WordPress دورة بناء وادارة موقع انترنت بسهولة (اساسيات)

WordPress دورة بناء وادارة موقع انترنت بسهولة (اساسيات)

اساسيات WordPress  مو هدفنا بهل البوست انو نعلملك كيف تنزل WordPress او كيف تضيف او تعدل قالب لانو في الف دورة ع النت بالموضوع هدفنا بس نعلمك كم مصطلح مشان بس تشوف شي دورة تمشي معا و تعرف شو عم يصير

المحتوى :
– لوحة التحكم Dashboard
– قاعدة البيانات Database
– سيرفر و دومين ؟ Dev-environment
– قوالب WordPress WP Themes
– اضافات WordPress WP Plugins

لوحة التحكم Dashboard ؟

بالبوست الماضي  بناء وادارة موقع انترنت بسهولة (مقدمة)  حكينا عن انو WordPress بتخليك تدير و تتحكم بالموقع
يعني تضيف تعدل و تحذف بوستات (مقالات منتجات…) بسهولة و عن طريق لوحة تحكم

طيب شو يعني لوحة تحكم؟
اذا كنت حابب تصير مبرمج WordPress ف عالاغلب انت عامل من قبل موقع ويب باستخدام php وعندك فكرة نوعا شو يعني لوحة التحكم

طيب اذا كنت اول مرة بتسمع بالموضوع الشغلة بسيطة
موقع WordPress متل اغلب المواقع بيجي قسمين
القسم الاول هو الموقع بحد ذاتة  يعني القسم يلي المستخدم بشوفو يعني التصميم البوستات يلي منزلا و الصور وهيك شغلات
القسم التاني هو لوحة التحكم بالموقع وهي قسم خاص بالمسؤول او المسؤولين عن الموقع admin وبكون بدو كلمة سر لتوصل عليه

لوحة التحكم بتجي مقسمة لاقسام ولازم تتعود تشتغل عليها بسرعة وع كل حال في مئات الدورات عن الموضوع بس بشكل مختصر
الاقسام الاساسية هي :
المقالات Posts من الاسم مبينة هون بيطلعلك كل المنشورات الموجودة بموقعك فيك تضيف تعدل تحذف
الصفحات Pages نفس الشي هون بيطلعلك كل الصفحات الموجودة بموقعك فيك تضيف تعدل تحذف
التعليقات Comments بيطلعلك كل التعليقات يلي اجت عمنشوراتك فيك ترد و تحذف اي تعليق مسيئ

شو الفرق بين المنشور و الصفحة ؟
اذا كنت جديد تماما ع الموضوع وما عرفت لحالك شو الفرف بين المنشور و الصفحة الموضوع مو كتير صعب
مثال عن الصفحات صفحة اتصل بنا صفحة اخر الاعمال صفحة من نحن صفحة تعلم WordPress
المنشورات هي الشغلات يلي بتكتبا بالصفحة عادة
متل هل المنشور يلي هم تقراه حاليا و الموجود ع صفحة WordPress يلي فيا كل البوستات يلي بتتعلق ب WordPress

طيب شو في اقسام لسا ب لوحة التحكم
الاقسام يلي عديناها فوق هي الاقسام يلي بدك تتعامل معا بشكل دائم بس لسا في اقسام تانية مهمة متل
الاعدادات Setting  بتتحكم باعدادات الموقع الاساسية فوت شوفا و عدل فيها
المظهر Appearance  فيك تتحكم بمظهر الموقع بالكامل تضيف قوالب وتصاميم و تعدل عليها
الاضافات Plugins  فيك تتحكم بالخدمات يلي بقدما الموقع تضيف اضافات و تعدل عليها

هلأ شو يعني قوالب و اضافات ؟
هل الشي كتير مهم ورح نحكي عليه بهل المقال اخر شي

قاعدة بيانات Database

WordPress بيستعمل افتراضيا Mysql كقاعدة بيانات لتخزن فيا الشغلات الضرورية
اذا كنت مبرمج فالموضوع واضح عندك و بسيط
اذا ما عندك فكرة شو يعني قاعدة بيانات هي ببساطة كومة جداول مربوطة ببعضا لتخزن معلومات موقعك
متل البوستات يلي كتبتا و التعليقات يلي اجتك و كتير شغلات تانية

هلأ ما تخاف WordPress بيعمل هل الشغلات لحالو المطلوب منك بس انك تعمل قاعدة بيانات و تقلا لل WordPress وينا وبس
كيف بتعمل هل الشغل رح نعلمك كمان بوست تاني

ملاحظة اذا كنت مبرمج ما في داعي وصيك تفوت تشوف قاعدة الببانات يلي بتستعملا WordPress مشان تعرف كيف بتشتغل و كيف بتخزن المعلومات وهل الشي اكيد مهم ومفيد لالك واكيد بتعرف كيف بتلاقيا

وين عم تشتغل Dev-environment

اذا كنت مبرمج المعلومات التالية ما رح تفيدك رح نحكي عن الاستضافة المحلية local host

لتعمل موقع ع النت انت بحاجة استضافة host و اسم موقع domain
الاستضافة هي المحل يلي بدك تحط عليها موقعك فيك تستاجر استضافة بكم دولار بالسنة (بسورية ب اربع تلاف بالسنة)
اسم الموقع هو اسم الموقع باختصار يعني متل facebbok.com  alphadsy.com يعني الاسم يلي العالم بتفوت عليه ليوصل ع موقعك كمان بكلف كم دولار بالسنة (سورية ب 8 الاف بالسنة)

اوك طيب انا ما بدي اشتري هلأ هيك شغلات بدك اول شي اتعلم و جرب ؟
ممتاز فيك تشغل WordPress ع كمبيوترك بسهولة (بس انت رح تشوف الموقع) و تتعلم و تجرب قد ما بدك وبس تصير جاهز فيك تاخد الموقع يلي عملتو وتحطو ع الانترنت
مشان تعمل هيك انت بحاجة سيرفر محلي localhost بعيدا عن التعقيد التقني يلي انت مو بحاجتو السيرفر المحلي رح يخليك تشغل php و mysql database عندك ع الكمبيوتر و متل ما حكينا بوستات ماضية WordPress بتحتاج هدول الشغلتين لتشتغل

هلأ مو هدف هل البوست يعلمك كيف تنزل سيرفر محلي او تشتغلو او تنزل عليه WordPress لانو الموضوع طويل بس بسيط و في شي الف دورة ع النت عن الموضوع هدفنا بس نوجهك و نعلمك كم مصطلح مشان بس تشوف شي دورة او فيديو تفهم عليهون

طيب هلأ شو بتعمل روح ع النت دور ع سيرفر محلي تنزلو عندك wamp او xampp
تنزيلون سهل مجاني وفي الف دورة ع النت كيف تشتغلون بالاخير بدك بس الاساسيات بالموضوع

مثال عملي موقعي الاول 

قوالب WordPress Themes

هلأ في خلاف بالترجمة و في عالم رح تقلك خطا تترجما قوالب لانو قوالب يعني template و theme يعني موضوع من الناحية اللغة هل الحكي صحيح بس من ناحية مواقع الانترنت القالب شي و الموضوع شي تاني و themes يلي ب WordPress هنون صراحة قوالب مو موضوعات

نرجع للحكي العربي شو يعني قالب ؟
القالب هو التصميم تبع الموقع بشكل مبسط هو كيف وين كل شغلة محطوطة و كيف شكلا و شو لونا
مشان ما كتر لعي و لانو الحكي مو متل الشوف
اذا كنت منزل  WordPress فوت ع لوحة التحكم بعدين المظهر رح يطلعلك القوالب الموجودة عندك
افتراضيا WordPress بتجي بتلت قوالب فيك تنقي منون وتشوف الموقع كيف تغير شكلو بالكامل
سحر مو هيك انطور اسا ما شفت شي لسا في عشرات الاف القوالب المجانية و المدفوعة يلي فيك تنزل لموقعك                       مو بس هيك كل قالب شايفو فيك تعدلو متل ما بدك تعدل الالوان الصور الخطوط على كيفك

افضل القوالب المجانية
افضل القوالب المدفوعة [** additional note – best free themes]

القالب الابن child theme : متل ما حكينا كلشي بالقالب قابل للتعديل الاضافة و الحذف واذا كنت مبرمج فالقالب كلو قدامك و فيك تعمل يلي بدك ياه
طيب بس سوال صغير … اذا نزلت تحديث للقالب التعديلات يلي عملتا رح تروح !!
اي رح تروح و هون اجت فكرة القالب الابن الفكرة بسيطة انت بتنزل القالب يلي بدك ياه و بتعمل قالب ابن منو مرتبط فيه و بتحفظ فيه كل التعديلات الاضافات يلي عملتا و هيك اي تحديث للقالب الاساسي تعديلاتك رح تم موجودة و محفوظة بالقالب الابن (اكتر من هيك تفاصيل ما بهمك) ما تخاف ما رح تعمل شي بايدك اغلب القوالب المرتبة بيجي معا قالب ابن معمول او فيك تنزل اضافة بتعملك قالب ابن بسهولة.

* ملاحظة لمبرمجبن سوق القوالب سوق ضخم بملايين الدولارات  شوق مقال مبرمجي WordPress

اضافات WordPress WordPress Plugins

للمبرمجين الاضافة هي تابع php بيعمل اكستند لتوابع WordPress الاساسية مشان يعدل او يضيف ع طريقة شغلا

بالعربي الاضافة بتخليك بكبست زر تضيف خدمة او ميزة جديدة وهيك فيك توسع و تفصل موقعك بدقة و سهولة

مثال اذا كنت منزل WordPress فوت ع لوحة التحكم ع الاضافات رح تشوف اضافة بتجي مع الWordPress اسما Akismet هي الاضافة اذا اجا حدا مهضوم و صار يعلق ع البوست تبعك “شسية شنةيسشمن كشةةسي كشةيسك” خمسين مرة
رح تحذف التعليقات و ممكن تحظرو طيعا في كم هائل من الاضافات المجانية و المدفوعة لتقريبا كلشي بدك ياه

افضل اضافات WordPress

المقالة التالية

WordPress لغير المبرمجين

اقتراح طلب مقالة

– عندي تعليق او سؤال بالتعليقات تحت
– خريج جديد و ما حدا عم يوظفك لانو ما عندك خبرة وحدة من الشغلات يلي فيك تعملا تكتب او تصور دروس تدربية متل هي و تنشرا اول شي بتتعلم شغلات جديدة و ممكن تفيد عالم تانية و مشان يصير عندك شي تحطو ب ال cv
لهيك اذا عندك مقالة بمجال برمجي فيك تبعتلنا ياها و منزلا باسمك و منحطلك رابط و يلي بدك ياه