ووردبريس افضل البواني – WordPress best builder

افضل بواني WordPress

تحديث 19-4-2018

بعد يومين من هل البوست elementor نزلت تحديث جديد لنسختا المدفوعة elementor pro v2 التحديث صار يسمح ببناء قوالب دينامكية يعني بناء صفحات Category و Search و single بكشل قالب عام بيتعبى بالمعلومات بكشل ديناميكي من WordPress

وهيك بكون  elementor رسميا افضل باني قوالب WordPress متوفر حاليا

المقال قبل التحديث

ب بوست افضل اضافات WordPress
حكينا شو يعني باني و حكينا عن شوية خيارات متاحة عندك
بهل البوست رح نفوت بشكل تفصيلي ونقارن بين كل خيار و نحاول نلاقي الافضل

هل البوست هو للعالم المختصين يلي حابين يتعلمو برمجة و تصميم قوالب WordPress
ويلي عندون فكرة و لو بسيطة شو يعني باني وكيف بيشتغلو عليه ولو ل 10 دقايق

لانو العالم يلي مو مختصة و بس بدا تعمل موقع باسرع وقت رح تشتري القالب او تنزلو ببلاش ما رح تعملو من الصفر و ع الاغلب القالب رح يكون مبني ع باني معين لهيك بجوز تكون محدد بالخيارات

بس بشكل عام الموضوع ما كتير بيعنيلك لانو اي باني كان فيك تعمل فيه الشغلات الاساسية نفسا تغيير الخط و الاوان تضيف و تخذف فقرات و تغير شوي التصميم

مو هاد نقاشنا هون نحن بدنا نحكي كيف تصمم قالب من الصفر ب استخدام باني
اوك خلينا نبلش

اعادة ل شو يعني باني بسطرين

الباني هو اضافة WordPress بتسمحلك تصمم صفحة باقل برمجة ممكنة
يعني عندك اقسام جاهزة و ويدجت بتنقي منا و بتحطا فوق بعضا

شو الشغلات يلي بدنا نقارن ع اساسا

– شو فيك تعمل بالنسخة المجانية لحالا ؟
– تصاميم القوالب الجاهزة المجانية يلي بتجي مع الاضافة
– الاضافات الخارجية يلي متوفرة مع الباني
– سهولة الاستخدام
– سهولة الاستخدام بالنسبة للمستخدم النهائي
– النسخة المدفوعة و التصاميم و القوالب الجاهزة

elementor

الموضة حاليا و الاقوى و الاكثر انتشارا قريبا جدا
elementor حسن خلال فترة مو كتير كبيرة ينتشر و يصير من اشهر البواني حاليا و اذا استمر عم يطلع بهل الشكل رح يصير رقم واحد بعدد المستخدمين قريبا جدا

لما كنت عم دور ع بواني شفت elementor عم ينذكر كتير ب الدورات و ع اليوتبوب و واضح جدا انو عامل ضجة و بالفعل لما شفتو و استعملتو قلت هاد هو
elementor كان الافضل الاسرع الاسهل و الاقوى من كل النواحي و بنفس الوقت كان الخيبة الاكبر :~

خلينا بنلش وحدة وحدة

elementor النسخة المجانية بتجي بكومة خيارات و ويدجت بتغطيلك تقريبا اغلب احتياجاتك لتعدل اي صفحة و من هل الناحية  elementor من بين الاقوى بعد SiteOrigin

متل ما شفت قلت تعدل لانو لتعمل صفحة من الصفر رح يكون ناقصك كم شغلة مهمة مو متوفرة بالنسخة المجانية متل البوستات القوائم و غيرها

القوالب المجانية يلي بتجي مع الباني سواء قوالب كاملة او اقسام صفحة هي الافضل من بين الكل
تصاميم احترافية بكل معني الكلمة وجاهزة تماما بتستعملا باي موقع بدون اي تعديل او اضافة وهي ميزة كتير كبير عن باقي البواني يلي بتجي ب تصاميم اساسية بس متل SiteOrigin او بلا تصاميم اساسا متل beaver builder!!!

الاضافات الخارجية هي اضافات معمولة من قبل عالم تانين غير الشركة الاساسية يلي عاملة الباني مشان تضيف ميزات جديدة مو متوفرة او تلاقي حل لمشكلة او غيره

من هل الناحية elementor جاي مع دعم كبير في عدد كبير من الاضافات متل Addons for Elementor و Elementor Essential Addons يلي بتضفلك عدد كبير من الويدجت ع نسختك المجانية

من سهولة الاستخدام ال elementor هي الاسهل بلا منازع كلشي مصمم بشكل واضح و سهل الاستخدام بيتطلب اقل وقت ممكن و في كومة كبيرة من التصاميم والقوالب الجاهزة يعني ما تضيع وقت نهائيا و طبعا بسهولة كتير فيك تضيف اي قالب من شغلك مشان ما تضطر تكرر الشغل و اهم شي في undo يعني تراجع عن اخر حركة عملتا و هي شغلة كتير مفيدة بالتصميم و مدري ليش مو متوفرة بكل الاضافات التانية ؟!

سهولة الاستخدام من ناحية الزبون كمان شي مهم يعني بس تخلص القالب و تبعتو للزبون لازم يكون الباني سهل الاستخدام لواحد عير مختص اذا حب يضيف شي قسم او يعدل لحالو بلا ما يوجعك راسك و من هل الناحية مرة تانية ال elementor هي رقم واحد واجهة الاستخدام تصميما حلو و واضح وهل الشي بشجع المستخدم على عكس البوني التانية متل siteorigin و beaver builder يلي واجهة الاستخدام عندون قديمة ومو ملونة و بتبين صعبة وهل الشي رح يخوف المستخدم

النسخة المدفوعة بتامنلك كومة ويدجت اضافية متل القوائم و الشغلات الدينامكية متل البوستات يلي بتسمحلك تجيب بوستات معينة متل بوستات كاتب او فئة انت بتحددا و تعرضا بالتصميم يلي انت بدك
باضافة لكومة تصاميم مواقع جاهزة احترافية

طيب كتير منيح وين المشكلة اذا elementor على ما يبدو متفوقة ع الكل ؟!(المشكلة انحلت بالتحديث Pro V2)
المشكلة نوعا ما محدودو بس كبيرة

اغلب مواقع wordpress هي مواقع شبه ستاتك static يعني متل موقع شركة صغيرة اغلب الموقع المعلومات يلي فيه ما رح تتغير بشكل متكرر متل رقم الهاتف او العنوان و الصور و بجوز الجزء الوحيد الديناميكي هو اخر الاخبار او اخر البوستات و بجوز كم منتج وهون ما عندك اي مشكلة و elementor النسخة المدفوعة بتامنلك كلشي بدك ياه

بس و هي بس كبيرة
فرضا (متل المشكلة يلي واجهتنا) بدك تعمل موقع متوسط الحجم لشركة بتبيع منتجات موبايلات  هون رح تكون مشكلتك
elementor حاليا ما في اي طريقة تتفاعل متل العالم مع القالب يلي انت منزلو او  wordpress

يعني اذا بدك صفحة فيا كل الموبايلات ضمن فئة معينة و لتكن هواوي الموضوع سهل ب wordpress كتير بس اذا بدك تعملو ب elementor ما في طريقة دينامكية لتعملو يعني بدك تعمل صفحة اسما فرضا هواوي و تحدد “يدويا” انو بدي بس البوستات من فئة هواوي و اذا عندك ماركة جديدة بدك تعمل صفحة جديدة و ما في حاليا طرقة لتعمل قالب عام تستخدمو بشكل ديناميكي !!

وهيك اذا الموقع شوي كبير ما بيمشي الحال و خاصة اذا المستخدم ممكن يضيف شغلات لسا بعد ما يستلم الموقع منك

اوك بعرف في اضافة خارجية مدفوعة AnyWhereElementor معمولة مشان تخليك تصمم قالب عام للصفحة ب elementor و مفترض بكون ديناميكي و بجيب المعلومات الصحيحة من wordpress وبيعرضا لحالو ضمن القالب
طيب تمام وين المشكلة ؟

في كذا مشكلة اول شي الاضافة خارجية يعني صار كل شغلك معتمد ع عالم بهي الحالة هنون مجموعة شباب مو الشركة الاساسية يعني ما بتعرف شو بصير معون و تاني شي بما انو الاضافة مو معمولة من الشركة الاساسية دائما في مشكل يعني لما بينزل تحديث او ويدجت جديدة رج يكون في تأخير لتستفيد منا

تلاتة الاضافة مو كتير شغالة ! يعين خلال تجربتي مرة تشتغل خمسة لأ!!

الاهم و الاسوء ويلي خلاني قول ما في امل انو ببساطة الفكرة اني استعمل elementor لصمم قالب ديناميكي هل الاضافة هيك بتروجلك بس الاصراحة انت ما عم تستعمل elementor انت عم تستعمل ويدجت خاصة بالاضافة يلي هي اقل من 10% من ويدجت ال elementor !!

طيب الملخص ال elementor حسب الموقع يلي عم تعملو ممكن تكون خيار ذكي و ممكن لأ اغلب المواقع ال elementor هي الحل الافضل

طيب بعد ما ما مشي حال elementor رحنا ع beaver builder لانو سمعنا انو معا شي حلو اسمو beaver builder themer وهي اضافة من نفس الشركة بتخليك تبني قوالب دينامكية

beaver builder

اوكي رح نكمل من محل ما تركنا فوق اي beaver builder بحل مشكلة القوالب الديناميكية بطريقة حلوة عن طريق اضافة مدفوعة من الشركة نفسا اسما beaver builder themer وهل الشي مقارنة ب AnyWhereElementor الو ايجابيات كتيرة

اولها انو الاضافة من شغل نفس الجماعة يعني انت مطمن و مانك مربوط بعالم تانين اتنين ما رح تواحه اي مشاكل متل عدم التوافق او التاخير يلي ممكن يصير بين الباني و الاضافة و الاهم انو فيك تستعمل الباني نفسو لتعمل القالب مو جزء منو متل الحالة مع elementor و AnyWhereElementor

طيب ممتاز خلينا نرجع نحكي عن الباني نفسو

النسخة المجانية من الباني بتحي فاضية تماما و بلا اي معني يعني ما فيك تعمل اي شي فيا نهائيا و هي اول مشكلة و شغلة بتخيب الامل

الشغلة التانية انو ما في قوالب او تصاميم جاهزة مجانية !!!
يعني اذا كنت عم تعمل قالب من الصفر بدك عنجد تبلش من الصفر وهي شغلة مزعجة و بتاخد وقت كتير

من ناحية الاضافات الخارجية beaver builder متلو متل غيرو في كذا اضافة ممكن تستعملا او بالاحرى مضطر تستعملا اذا كنت بدك تستعمل النسخة المجانية (لانو متل ما قلت فوق بتجي شبه فاضية) متل
Ultimate Addons for Beaver Builder – Lite و النسخة المدفووعة منا يلي فيا كتير اوبشن حلو

من ناحية سهولة الاستخدام لا باس بس ابطى و ابشع من elementor متل ما قلت قبل الواجهة قديمة و في كتير شغلات معتة متل لما بدك تنقي ويدجت دائما بتحس بدك تكبس كبستين تلانة ما الون طعمة
وهل الشي ع مشروع بشهر شغل بتفرق معك

سهولة الاستخدام من ناحية المستخدم النهائي نفس الشي تماما و اكيد ما رح تكون شغلة سهلة للمستخدم و خاصة اذا كان مخو سميك
ونوعا ما الحق و عليه انا ك مختص تميت ساعة لصرت لاقي الشغلة من اول مرة

النسخة المدفوعة من beaverbuilder مانا كتير خيار لانو النسخة المجانية للمرة التالتة بهل البوست ما فيك تعمل فيا شي
بس الاسوء و الاسوء من هيك هو القوالب الجاهزة يلي بتجي مع النسخة المدفوعة
القوالب بتحسسك ان من تصميم جريدة الوحدة من 15 سنة !!
يعني بالمقارنة القوالب المجانية من elementor احلا بكتير من القوالب المدفوعة هون!

و في ملاحطة تانية beaver builder themer يلي حكينا عنا اول شي مو كتير رخيصة يعني شي 150 دولار بس !!!!

يعني الخلاصة beaverbuilder بالنسية لالي ع الرغم انو نوعا ما الو معجبين ما عجبني و رحنا ندور ع باني تاالت

SiteOrigin

الباني التالت و الاول من ناحية عدد المستخدمين بس موخرا خفت شعبيته لانو نوعا ما الموضة كانت beaverbuilder بعدين elementor بينما ال siteorigin صار قديم شوي

اول شغلة عجبتني ب siteorigin هي النسخة المجانية
النسخة المجانية شبه كاملة و فيك تعمل يلي بدك ياه لدرجة ما نزلت النسخة المدفوعة
النسخة المجانية بتجي مع قوالب حلوة (بالنص بين elementor الحلو و beaverbuilder البشع)
و كومة ويدجت بتغطي كل الشغلات الاساسية مو بس هيك كمان امكانية تعمل قوالب ديناميكية جاي مع النسخة المجانية !!

ملاحظة: ال siteorigin كاضافة مشان يتم حجما صغير بتجي مقسمة اقسام بتنزلا كل وحدة لحالا يعني عندك الباني لحالو اسمو Page builder وهو اضافة بتجي فاضية بلا اي ويدجت او قوالب و بعدين بتنزل اضافة widgets bundle يلي بتجي مع الودجت

الباني بيجي مع كم قالب جاهز مجاني و مدفوع فيك تنزلون من الموقع تصاميم جيدة لاباس بس نوعا ما القوالب المدفوعة غالية نسبيا حواي 70 دولار فيك تجب احلى ب اسعار ارخص

مشكتلي الاساسية مع siteorigin هي انو الاستخدام شوي معت يعني بتحس دائما في كبسة و كبستين زيادة ع اي شي بدك تعملو و هي صراحة ع مشروع كبير بتفرق

سهولة الاستخدام من ناحية المستخدم متل ما حكيت قبل الواجهة شكلا قديم و يوحي انو صعب استخداما و هي الشي بخوف المستخدم ع عكس واجهة ال elementor ع سبيل المثال

النسخة المدفوعة بتجي مع ويدحت اضافية و امكانية انك تعمل custome type (صراحة ما جربتا)

ملاجظة هامة ال siteorigin هو الوحيد من بين البواني يلي شفتا بيتعامل بشكل كتير حلو مع ال قالب يلي مستعملو على عكس البقية يلي بتحسا بتهمل القالب تماما

على سبيل المثال اذا القالب يلي مستعملو في تصاميم بوستات مختلفة حسب نوع البوست (صور , فيديو … ) ال siteorigin رح يتعرف ع الاقسام و يجليك تستعملون بالتصميم يلي عم تعملو وهي فكرة كتير حلوة و مو موجودة ب غير بواني
ولهيك اذا بدك تستعمل siteorigin نزل قالب حلو و عدل عليه

الخلاصة

خيارك الاول دائما هو elementor لانو هي الخيار الافضل بلا منازع لاغلب الشغل
هلأ بالحلالات القليلة يلي ال elementor ما بتخدمك روح ع siteorigin

ملاحظة اتنين شو في بواني لسا في كم باني تاني ظريف و يستحق الواحد يشوفون متل mtotopresss , kingcomposer