قوالب WordPress- افضل القوالب المجانية

افضل قوالب WordPress المجانية

قائمتنا الشخصية لافضل قوالب WordPress مجانية

شو يعني قوالب WordPress؟

هلأ في خلاف بالترجمة و في عالم رح تقلك خطا تترجما قوالب لانو قوالب يعني template

و theme يعني موضوع من الناحية اللغة هل الحكي صحيح بس من ناحية مواقع الانترنت القالب شي و الموضوع شي تاني و themes يلي بالWordPress هنون صراحة قوالب مو موضوعات

نرحع للحكي العربي شو يعني قالب ؟
القالب هو التصميم تبع الموقع بشكل مبسط هو كيف وين كل شغلة محطوطة و كيف شكلا و شو لونا
مشان ما كتر حكي و لانو الحكي مو متل الشوف
اذا كنت منزل الWordPress فوت ع لوحة التحكم بعدين المظهر رح يطلعلك القوالب الموجودة عندك

افتراضيا WordPress بتجي بتلت قوالب فيك تنقي منون وتشوف الموقع كيف تغير شكلو بالكامل
سحر مو هيك انطور اسا ما شفت شي لسا في عشرات الاف القوالب المجانية و المدفوعة يلي فيك تنزل لموقعك

كيف بنزل قوالب WordPress ؟

من لوحة التحكم فوت ع المظهر Appearance بعدين نقي اضافة جديد

بيطلعلك كل القوالب يلي فيك تنزلا ببلاش من WordPress بس اكبوس تنزيل بعدين بس ينزل تفعيل…. اذا كنت منزل القالب عندك من موقع تاني بعد ما تكبس اضافة جديد بيطلعلك خيار تحميل قالب و من هنيك بتحدد الملف يلي منزلو و خالصة

افضل قوالب WordPress المجانية

Hestia من themeisle

قالب مجاني تصميم حديث و صراحة نادرا ما تلاقي قالب مجاني “فرايحي” يعني ملون وبالعادة بكونو ناشفين وابيض و اسود
المميزات : جاي معو باني مدمج يعني تعديل او اضافة اي قسم ولا اسهل بس حدد القسم و غير الخيارات ما في داعي تعدل اي كود وهي شغلة مميزة و قليلة بالقوالب المجانية
القالب سهل التنزيل و في ع الموقع دورات فيديو
القالب بيدعم woocommerce و التعريب

ShopIsle من themeisle

بدك قالب لمتجر الكتروني هاد هو طلبك تصميم بسيط انيق و بنفس الوقت كامل يعني جاهز لتستخدمو ب متجرك و ما بيختلف كتير من ناحية التصميم من تصاميم المتاجر المدفوعة
القالب بيدعم woocommerce

Zillah من themeisle

قمة الاناقة و البساطة اذا كنت بتحب التصاميم البسيطة النضيفة هاد طلبك تصميم انيق و الوان هادية
المميزات جاي معو باني مدمج يعني تعديل او اضافة اي قسم ولا اسهل بس حدد القسم و غير الخيارات ما في داعي تعدل اي كود وهي شغلة مميزة و قليلة بالقوالب المجانية
القالب سهل التنزيل و في ع الموقع دورات فيديو
القالب بيدعم woocommerce و التعريب

Amadeus من themeisle

تصميم بسيط صغير اذا كان بدك قالب واضح لموقع شخصي او مدونة صغيرة هل القالب تصميمو واضح مع شوية ابتكار

Laura Lite من justfreethemes

تصميم ظريف حركي الالوان قوية فرحة ممتاز لمواقع الموضه والمدونات الشخصية للبنات

architect من oceanwp

قالب معمول للمهندسين المعماريين و شركات الانشاء قالب بسيط انيق بس بنفس الوقت تصميم حديث و قليل تلاقي حدا مزبط كل هل الامور مع بعضا
القالب بيدعم اغلب البواني المشهورة متل elementor – divi – beaver يعني التعديل ع القالب قصة سهلة القالب بيجي تقريبا جاهز للاطلاق كلو معمول ومزبط بطريقة حلوة مو بقيان غير تضيف معلوماتك القالب بيدعم التعريب

personal من oceanwp

من افضل القوالب للمدونات تصميم كتير بسيط و نضيف بخلي المستخدم يركز ع المحتوى القالب تقريبا كلشي فيه فيك تعدلو بسهولة القالب بيجي مع كومة اضافات جاهزة يعني تقريبا مو بحاجة شغل بس دخل معلوماتك عدل كم رابط و صار عندك موقع
القالب بيدعم اغلب البواني المشهورة متل elementor – divi – beaver يعني التعديل ع القالب قصة سهلة القالب بيدعم التعريب

store من oceanwp

متجر الكتروني كامل قليل جدا تلاقي قوالب مجانية عاملن كلشي يدك ياه القالب في اكتر من تصميم و في كمية كبيرة من الخيارت يلي فيك تعدلا تقريبا كلشي فيم تعدلو
القالب بيدعم اغلب البواني المشهورة متل elementor – divi – beaver يعني التعديل ع القالب قصة سهلة القالب بيجي تقريبا جاهز للاطلاق كلو معمول ومزبط بطريقة حلوة مو بقيان غير تضيف معلوماتك القالب بيدعم التعريب و woocommerce

opimizer landing page

بدك تصميم قوي تصميم رح يشد العالم و يخليون يعرفو انك شغلة كبيرة
القالب بيحي مع باني سهل وقوي يعني اضافة العناصر و تعديلا بسهولة جدا

opimizer landing page

تصميم حديث ملون و كلو غريدينت
القالب بيحي مع باني قوي و سهل يعني اضافة العناصر و تعديلا بسهولة جدا

colormag من themegrill

موقع اخباري تصميم مشابه لاي موقع اخباري عالمي شو ما كان نوع الاخبار يلي عم تغطيا من سياية لرياضة ل تكنولوجيا او كلو مع بعض.

envy من precisethemes

من افضل و انضف التصاميم يلي شفتا تصميم كتير بسيط بس بنفس الوقت قوي و حديث خيار ممتاز لمدونة شخصية

best blog من imonthemes

تصميم مرح ملون مناسب لمدونات الموضة التجميل و الشغلات الخفيفة

قوالب WordPress المدفوعة

افضل قوالب wordpress المدفوعة [wp-best-pro-themes  **]

مقالات مشابهة

افضل اضافات wordpress [** wp-plugins]

اقتراح طلب مقالة

– عندي تعليق او سؤال بالتعليقات تحت
– خريج جديد و ما حدا عم يوظفك لانو ما عندك خبرة وحدة من الشغلات يلي فيك تعملا تحتب او تصور دروس تجربية متل هي و تنشرا اول شي بتتعلم شغلات جديدة ممكن تفيد عالم تانية و مشان يصير عندك شي تحطو ب ال cv
لهيك اذا عندك مقالة بمجال برمجي فيك تبعتلنا ياها و منزلا باسمك و منحطلك رابط و يلي بدك ياه