افضل اضافات ووردبرس – WordPress best plugins

WordPress – افضل الاضافات

اذا كنت مستخدم جديد ف شي طبيعي انك تحس حالك ضايع بين عشرات الاف اضافات wordpress المتاحة لموقعك
wordpress اكبر ادوات ادارة المحتوى من حيث المجتمع يعني الاف المبرمجين حول العالم بيشتغلو ليعملو اضافات و قوالب جديدة يوميا
هل الشي اكيد لمصلحتك و مصلحة شغلك

هلأ شو الاضافة plugin؟
اضافات wordpress بتخليك و بدقيقتين و كم كبسة زر تضيف خدمة او ميزة جديدة
وهيك فيك توسع و تفصل موقعك بدقة و سهولة وبلا معلمية
طيب مشان ما نكتر حكي خلينا نبلش

المحتوى

– builder البواني
– SEO and analytic السيو و الاحصائات
– performance الاداء
– security الامن
– social world التواصل الاجتماعي
– ecommerce التجارة الاكترونية
– ترجمة translate
– كيف بتنزل الاضافة بشكل امن

اضافات wordpress بتنقسم لمجموعات اساسية و كل مجموعة فيا مثات الخيارات
وبتختلف حاجتك حسب الموقع او الخدمة يلي عم تقدما
بس كل موقع مهما كام لازم يكون عندو هل الاضافات الاساسية هدول

البواني builder – اضافات wordpress

البواني بتخليك تصمم موقعك او تضيف عليه اقسام او تعدلا بسهولة بس darg and drop اسحب و ارمي
الباني من خلال عشرات الأقسام الجاهزة مسبقا widgets و المعدة للتعديل بسهولة رح يخليك تنبني صفحات الموقع خلال وقت قصير

طيب؟؟ سؤالين

معلم انا ماني مبرمج و بدي اعمل موقع تجاري بخمس دقايق شو بدي بهل الحكي بنزل قالب جاهز و خلصنا صح مو هيك ؟
سؤال كتير حلو مزبوط رح تنزل قالب جاهز لهيك ما في داعي تعذب حالك و تبني الموقع بايدك
بس كل القوالب الجاهزة “ع االاقل المدفوعة” بتجي مع باني نازل معا ليش؟

مشان تعطيك الامكانية انك تعدل و تزوزق موقعك ع مزاجك بدون ما تفوت ع الكود و تقرا شغلات غريبة
لهيك ما بضر اذا بتفوت ع النت و بتشفلك شي مقطع فيديو كيف بتشتغل عليه
هل الشي رح يعطيك متل ما ذكرت امكانيات اكبر

سؤال تاني انا ع العكس تماما انا مصمم مواقع و بعمل المواقع ب bootstrap مثلا شو بدي بوجعة هل الراس هي ؟
كمان سؤال حلو انا كمان مصمم مواقع وبالنسبة الي اكتب الموقع بالبوتستراب اسهل و اسرع من اني استعمل باني
بس اذا قريت السؤال الاول بتعرف شو اهمية انك تستعمل بواني

اذا عملت الموقع ب بوتستراب مثلا بس المستخدم لموقعك “الزبون” يلي بدو يشتري القالب
ما رح يستفيد من wordpress يعني اذا بدو يغيير الخلفية يلي عاملو ياها بدو يفوت ع الcss ويدور و يغيير
و هل الشي بالنسبة لمستخدم عادي مهمة كتير صعبة و معقدة!

هلأ في كتير قوالب معمولة bootstrap بس اي تعديل لازم يكون ينعمل من لوحة التحكم يعني المستخدم بفوت ع الخيارت بعدل الصور و الخط و غيرو يعني اذا كنت بتعرف تعمل هيك شغلة هاد خيار ممكن ..

بس تذكر بدك واحد من الخيارين هدول ع الاجباري
موقع ما فيك تعدل عليه بسهولة مانو موقع wordpress

طيب كتير منيح شو افضل بواني حاليا ؟
Elementor
beaver builder
siteorigin

مقارنة تفصيلية بين البواني

SEO and analytic السيو و الاحصائات – اضافات wordpress

الهدف الاساسي لاي موقع هو ايصال فكرة او معلومة

انك تكتب بوست هو الجزء الاول الجزء التاني انك توصلو للقارئ او ما بتستفيد شي

السيو seo هو بحث بحد ذاته لكيف تخلي محركات البحث متل غوغل تفهم موقعك صح
يعني تعرف شو المحتوى و توصل موقعك للعالم يلي عم تبحث عنو

Yoast SEO By Team Yoast

معلومات احصائية

مين زار موقعك اي صفحة اكتر شي جابت عالم شو اعمار العالم يلي بتتابعك بنات شباب من وين و غيرو من المعلومات يلي بتفيدك بتطوير و تسويق موقعك او منتجك بطريقة صحيحة و علمية

google analytics dashboard for wp
wp slimstat

performance الاداء – اضافات wordpress

الاداء من الامور الهامة باي موقع يعني سرعة تحميل الصفحة والحزمة المستخدمة (كمية نقل البيانات بتكون محددة حسب باقة الاستضافة) و الضغط ع المعالج
بالنسبة للاضافات بتنقسم لقسمين اساسيتين هنون

الكاشينك

الكاشينك لغير المبرمجين ببساطة بشوف شو اكتر الصفحات و الملفات يلي عم تنطلب عم تنزار من موقعك و بخزنا عندو بالذاكرة
بس اي حدا تاني يطلبا بيبعتلو ياها مباشرة بدون ما يعذب المعالج يروح يدور عليها لانو هي عندو
هل الشي بخفف ضغط ع المعالج و بزيد سرعة الاستجابة

افضل اضافة للكاش
wp fastest cache
wp super cache
w3 total cache

الضغط

بالضغط قصدي ضغط الصور اغلب حجم الصفحات هي صور
حجم صور كبير يعني دقة كويسة للصورة بس في كتير من الاحيان دقة الزايدة غير مفيدة و بتزيد استخدام الذاكرة و عرض الحزمة و وقت التنزيل يعني ضرر للكل
هلا فيك تضغط طل صورة عندك يدويا قبل ما تحطون ع النت او فيك تستخدم اضافة بتعملك هل الشي لحالا

wp smushit

security الامن – اضافات wordpress

ما بظن في داعي اشرحلك اهمية الامن بمواقع
هلا في مقالة شارحة كل الشغلات يلي لازم تعملا لموقع امن وحدة منون تضتف اضافات خاصة بالموضوع وهل الاضافات هي ضمن تلت اقسام

اضافات امنية مباشرة

هل الاضافات بتوفر اكتر من خدمة بمجال الامن متل
فحص القالب و الاضافات وايجاد اي مشاكل امنية معروفة
جدار حماية بيفحص كل الاتصالات ع موقعك و بيحجب اي اتصال مشبوه

wordfence
better wp security

نسخ احطياتي

لحالات الطوارى القصوى و لنفرض مثلا موقعك تعرض لاختراق شو بتعمل
بسيطة بتحكي مع شركة الاستضافة و هنون برجعولك موقعك ب دقيقتين

بس بلكي يلي اخترق الموقع حذف كلشي عليه بيانات؟
بنرجع من الاول !!!!
اكيد لا في كومة اضافات بتعملك نسخ احتياطي يعني بتجيب الموقع عندا و بتحفظا حتى صار ما صار عندك نسخة بترجع عليها و بنكون خسارتك بسيطة

updraftplus
backup wordpress

تحديث تحديث

بمقالة الامن حكينا انو اهم عامل بالموضوع هو التحديث يعني يكون عندك احدث نسخة من الوردبرس و احدث نسخة من كل الاضافات يلي منزلا
هلا تحديث هيك شغلات بدو كبستين
بس اغلب العالم بتقلل مروه و هل الشي خطير
لهيك في كومة اضافات لادارة التحديثات

Easy Updates Manager

تفاصيل اكتر عن الامن WordPress

social world التواصل الاجتماعي – اضافات wordpress

بالقرن يلي عايششني فيه التواصل الاجتماعي هو الاساسية
مانك موجود ع الفيسبوك يعني انت مانك موجود

الاضافات لازم تامنلك الشغلات الاساسية
متل مشاركة البوست ع الفبسيوك فولو ع التويتر وهيك شغلات
التعلقيات كمان عامل مهم

و حسب موقعك ممكن تحتاج تخلي المستخدمين يسجلو من خلال حساباتون الاجتماعية
او شغلات متقدمة اكتر متل انك تدمج اخر بوستات الك ع الفيسبوك مثلا ع موقعك و غيرو كتير

super socializer
feed-them-social

و تذكر كل موقع اجتماعي الو كومة اضافات خاصة فيه اذل كان بدك خدمان مخصصة متل اضافات فيسبوك او اضافات يوتيوب و غيره

ecommerce التجارة الاكترونية – اضافات wordpress

الوردبرس حاليا تستعمل باكتر من 30% من المتاجر الالكترونية و هي الحل الافضل للمتاجر الجديدة و الصغيرة لتبلش ع الانترنت

WooCommerce

طبعا في كومة اضافات مساعدة بمواقع التجارة الاكترونية يتسمح للمستخدم يبحث و يصنف و يستعرض المنتجات

ترجمة translate

ترجمة و تعريب القالب

loco

كيف بتنزل الاضافة بشكل امن

كيف تنزل الاضافات بكشل امن
اذا حيبت تنزل اضافات جديدة ع موضعك كيف بتعرف هل الااضافة امنة ولا فيا مشاكل

تذكر wordpress مفتوح المصدر و في اي حدا يعمل اضافة و يحطا ع النت و هل اي حدا مو ضروري يكون ذكي او عندو خبرة
وهل اشي هو السبب الاول بالمشاكل الامنية

الحل دائما دائما نقي اضافات معروفة
يعني اضافة تقييما خمس نجوم مع كذا الف مستخدم
هيك بتعرف انو الاضافة مجربة و معروفة و اي مشاكل فيا مفترض تنكشف و تنحل

ملاحظة تانيية دوما انتبه ع موضوع اخر تحديث للاضافة
يعني اذا اخر مرة تحدثة من سنة و سنتين بعد عنا فورا
ممكن ببساطة الشخص يلي عمل الاضافة قرر يوقف شغل بهل الموضوع لاي سبب
وهل الشي يعني ما حدا رح يحل اي مشاكل رح تنكشف

فكرة اضافية

طيب كتير منيح هيك بس لسا في فكرة

افترض شفت موقع wordpress ظريف و حبيت تعرف شو مستخدم هل الزلمة قالب او شو حاطط اضافات لطالع معو عل الشغل الحلو
بسيطة في كتير مواقع بتعملك عل الشغلة بس قلا سو اسم الموقع(الرابط) و هي بتجبلك تقرير نفصل بالموضوع

scan wp

مقالات مشابهة

افضل القوالب المجانية ل wordpress

اقتراح طلب مقالة

– عندي تعليق او سؤال بالتعليقات تحت
– خريج جديد و ما حدا عم يوظفك لانو ما عندك خبرة وحدة من الشغلات يلي فيك تعملا تكتب او تصور دروس تدربية متل هي و تنشرا اول شي بتتعلم شغلات جديدة و ممكن تفيد عالم تانية و مشان يصير عندك شي تحطو ب ال cv
لهيك اذا عندك مقالة بمجال برمجي فيك تبعتلنا ياها و منزلا باسمك و منحطلك رابط و يلي بدك ياه