WordPerss مشروع عملي – اول بوست

ه

مشروع عملي – اول بوست WordPress

اوكي اليوم بعد ما نزلنا WordPress (مشروع عملي – موقعك الاول) رح ننشر اول بوست
وتذكر البوست ب WordPress ممكن يكون مقالتك منتجك او اي شي بدك تنشرو

المحتوى:
– لوحة التحكم Dashboard
– المقالات Posts
– الصفحات Pages
– الاضافات Plugins

-لوحة التحكم Dashboard

متل ما حكينا بالبوست الماضي و بوست اساسيات WordPress المواقع بشكل عام و من بينها مواقع WordPress بتجي قسمين
قسم امامي و هو القسم يلي المستخدم بشوفو وبيتفاعل معو يعني البوستات يلي منزلا و الصور يلي حاطا
وقسم خلفي (لوحة تحكم) محمي بكلمة سر للمسؤول عن الموقع او المسؤولين و بيتسخدم لادارة الموقع بشكل عام

طيب لنبلش وننزل اول بوست WordPress

شغل السيرفر المحلي وفوت ع المتصفح وروح ع موقعك متل ما علمناك قبل

للتذكير الرابط بكون من الشكل localhost/site-name/

باعلى الموقع رح تشوف شريط الادارة و هاد ما ببن الا للمسؤول عن الموقع ال admin

بالشريط في عدة روابط اول واحد اسم موقعك مثلا alphad و اذا كبست عليه رح يعطيك قائمة فيا كمان عدة روابط اول واحد هو لوحة التحكم Dashboard

فتاح الرابط ب بصفحة جديدة من المتصفح مشان يكون عندك قسم الادارة و الموقع وتشوف كل التعديلات يلي عم تعملا كيف عم تبين للمستخدم

ملاحظة اذا كان الشريط مو طالع عندك بكون مو مسجل دخول ولهيك الموقع معتبرك مستخدم عادي و متل ما قلنا الشريط بس للمسوولين عم الموقع لهيك سجل دخول من الرابط /localhost/site-name/wp-admin/wp-login.php

رح يطلعلك صفحة تسجيل الدخول دخل كلمة السر و اسم المستخدم و هيك بتكون فتت ع صفحة الادارة

الروابط التانية ب شريط الادارة هي تخصيص customize لتعدل مظهر الموقع بس رح نعمل هل الشي من صفحة الادارة
و بكون عندك اي تنبيهات او اشعارات متل اشعارات التحديث المهمة (تحديثات WordPress او القالب او الاضافات)
او اشعارات التعليقات (تعليقات جديدة ع البوستات) بالاضافة ل الاشعارات يلي بتجي مع الاضافات يلي بتنزلا بعدين…

المهم صفحة الادارة في ع الطرف كومة اقسام و كومة خيارات بس الشغلة بسيطة رح نشرح بسرعة ونخليك تتعلم الباقي لحالك الخيارات واضحة و بسيطة واي حدا رح يعرف يشتغل لحالو

ملاحظات

ملاحظة باعلى الصفحة من الزاوية في خيار اسمو خيارات الشاشة screen option هل القسم الموجود بكل صفحات الادارة بيسمحلك تحدد شو الاقسام يلي بدك تشوفا و شو الاقسام يلي لأ مشان ترتب صفحة الادارة على حسب استخدامك

لهيك اذا شفتنا ذكرنا شي قسم او خيار و ما لقيته عندك كبوس خيارات الشاشة و اختار القسم يلي مو طالع عندك

ملاحظة في كم قسم او خيار ممكن نطفو و السبب انو بدنا نرجع نشرحو بعدين لانو نرتبط ب قسم تاني لهيك ما تخاف مو تاركين شي ورانا

ملاحظة بس تنزل اضافات او قوالب رح يطلعلك خيارات و اقسام اضافية مشان تحدد خيارات الاضافة مثلا او متل قلنا من شوي بيطلعلك خيار تصميم الصفحة بس تكون منزل باني  و تفوت ع الصفحات .

المقالات posts

اول الاقسام يلي بدنا نتعلم عليها هو المقالات posts و بظن شو بيعمل هل القسم مبين من الاسم
فوت ع الصفحة رح تطلع عندك قائمة صغيرة في خيارات و رح يطلعلك صفحة فيا جدول بكل البوستات يلي انت منزلا وفيك ع السريع تحدد اي بوست بدك ياه و تحذفو او تعدل عليه

باعلى الصفحة في خيار اضافة بوست add new رح ياخدك ع صفحة انشاء البوستات و هون رح تكتب اول بوست لالك

اول شي بتضيف عنوان البوست
تحت العنوان في عندك الصندوق النصي يلي بتكب فيه البوست تبعك طبعا مع خيارات تحرير نصوص كاملة
يعني تعمل الخط عريض مائل تضيف رابط او قائمة او تحدد تراتبية العنواوين اذا عنوان رئيسي او فرعي…

لتعمل توجه الخط من اليمين لليسار (عربي) فيك تنزل اضافة wp-rtl

في عندك زر اضافة وسائط بيسمحلك تضيف صورة او فيديو او صوت للمنشور

قسم الملخص او النبذة excerpt هون بتحط ملخص عن البوست وهو يلي رح يطلع للمستخدم مع زر قراءة المزيد

قسم النقاشات discussion فيك تحدد منو خيار اذا بدك تخلي المستخدمين يعلقو ع هاد المنشور او لأ

قسم الكاتب author اذا كان بالموقع اكتر من مسؤول بتحدد منون مين يلي كتب البوست

بالاضافة لاي قسم تاني ممكن الاضافات يلي بتنزلا تضيفو

ع طرف الشاشة في كمان اقسام

اول واحد هو قسم النشر و فيه رز النشر يلي بينشر البوست

تحت في قسمين الفئة category و البطاقة tag فيك تحدد منو فئة البوست و اي تاغ بدك ياه (رح نشرح الموضوع تحت)

في عندك كمان قسم اضافة صورة رئيسية هي الصورة رح تكو غلاف البوست

المم ببينو كتار و معقدات بس المطلوب منك تجرب و تعدل و تنزلك كم بوست و تشوف كيف رح يطلعو ع الموقع

الفئة category

لما كبست ع المنشورات طلعتلك قائمة صغيرة فيا اربخ خيارات بظن صرت بتعرف اول اتنين شو هنون

طيب نجي ع الخيار التالت الفئة category
اذا كبست ع هل الخيار رح يطلع عندك صفحة فيا كل الفئات يلي موجودة عندك فيك تعدل او تحذفو

او تضيف فئة جديدة لتضيف فئة جديدة بدك تدخل اسم الفئة category name

الرابط slug يلي هو اسم الفئة يلي بدو يطلع برابط الصفحة يعني لازم يكون بالانكليزي و بلا فراغات

و الوصف description وصف الفئة

و الفئة الاب category parent اذا كانت الفئة فئة داخلية جوا فئة تانية

طيب شو يعني فئة اساسا!!
لتفهم احسن رح نعطيك هل المثال تخيل انك عامل موقع لتجارة الالبسة و عندك كومة منتجات من كل الانواع و اجا المستخدم بدو يدور ع طلبو

انت لازم تكون مقسم البضاعة لفئات (مجموعات) مشان تسهل عليه يلاقي طلبو بسرعة يعني محل تياب الفئات رح تكون البسة رجالية البسة نسائية البسة ولادي…

لتعمل فئة البسة رجالية مثلا بتدخل عندك اسم الفئة البسة رجالية الرابط  men-clothes والوصف البسة للرجال مثلا و الفئة الاب حاليا ما عنا
الفكرة انك تسهل ع المستخدم بدور بدون ما يفتل المتجر كلو

اذا بدك مثال غير محل البسة هل الموقع يلي هو موقع تعليمي الفئات هي WordPress (كل لالمقالات يلي الا علاقة ب WordPress) php و bootstrap مشان سهل عليك توصل ع طلبك

طيب شو هي الفئة الداخلية؟

منرجع لمحل التباب  الفئة الداخلية بهيك مثال رح تكون مثلا فساتنن او تنورات وهي اقسام و فئات داخلية جوا فئة الالبسة النسائية

مثال اذا بدنا نعمل فئة التنورات اسم الفئة تنورات الرابط skirts الوصف تنورات حلوة و هيك شغلات الفئة الاب بهي الحالة رح تكون الالبسة النسائية يلي عملناها قبل

طيب منرجع لصفحة البوستات لما عملت بوست جديد فيك تحدد اي فئة البوست بسهولة من قسم الفئة category رح يطلعلك كل الفئات يلي انت عاملا بس حدد الفئة و خالصين

سؤال تاني كيف بدو المستخدم يروح ع الفئة وكيف بدي خلي بس منتجات فئة معينة تطلعلو ؟!
مو شغلتك هي شغلة WordPress  (اذا كنت مبرمج رح نفوت بالتفاصيل ببوست تاني)

التاغ tag

طيب شو فرق الفئة عن التاغ ؟
الفرق انو التاغ (ما بعرف شو ترجمتو ع العربي) ما في شغلات جوا يعضا و معمول ليربط اكتر من عنصر من اكتر من فئة مع بعض

مثلا محل التياب في فئة البسة رجالية و جواه في اكتر من فئة متل قمصان بناطلين احذية…
المهم فيك تعمل تاغ اسمو البسة شتوية و تحط كل القمصان و البناطلين و الاحذية يلي هنون باكتر من فئة مع بعض و هيك بيطلعو للمستخدم

الوسائط media

خيار تاني غير المقالات هو الوسائط هون كل الصور و الفيديوهات يلي مستخدما بتكون موجودة فيك تحذف او تضيف يلي بدك ياه مشان تستعملو بالبوستات او الصفحات …

تذكر حجم الصور كتير مهم ب سرعة الصفحة يعني بدك صور حجما كبير مشان تكون دقتا كويسة بس بنفس الوقت مو كتير كبير مشان ما تطول بالتحميل لهيك في اكتر من اضافة لظغط الصور و تقليل حجما [best WP plugins **]

التعليقات comments

في داعي اشرحلك ؟
كل التعليقات يلي اجت ع البوستات يلي نزلتا بتكون موجودة هون فيك تحذف اي تعليق ما بدك ياه

طيعا فيك من قسم الخيارات setting (منشرحو بعدين) تحدد خيارات التعليقات

او فيك تضتف امكانية التعليق من خلل حساب الفيسبوك مثلا باضافة بسيطة [best WP plugins **]

الصفحات pages

الصفحات يلي موجودة عندك تعدل و تحذف و  تضيف

هلأ العادة هيك شغلات بتكون معمولة مسيقا بالقالب او اذا حيبت تعمل صفحة ع مزاجك ع الاغلب بتستعمل باني builder وهي اضافة بتنزلا بتخليك تصمم صفحات متل ما بدك
المهم بتفوت لهون مشان تعمل هيك شغلات

الاضافات plugins

متل ما حكينا ب بوست الاساسيات الاضافة للمبرمجين الاضافة هي تابع php بيعمل اكستند لتوابع الوردبرس الاساسية مشان يعدل او يضيف ع طريقة شغلا

بالعربي الاضافة بتخليك بكبست زر تضيف خدمة او ميزة جديدة وهيك فيك توسع و تفصل موقعك بدقة و سهولة

وعطينا مثال  اضافة بتجي مع الوردبرس اسما Akismet هي الاضافة اذا اجا حدا مهضوم و صار يعلق ع البوست تبعك “شسية شنةيسشمن كشةةسي كشةيسك” خمسين مرة رح تحذف التعليقات و ممكن تحظرو

هلأ كيف بتنزل اضافة بتفوت ع الاضافات و بتكبس اضافة جديدة و بتعمل بحث ع اسم الاضافة او بتعملا تحميل اذا كنت منزلا عندك و اخر شي بتعملا تفعيل

 الاضافات من اقوى نقاط WordPress و في كم هائل من الاضافات المجانية (اكتر من 50 الف ) و المدفوعة لتقريبا كلشي بدك ياه
وما رج احسن عدلك حتى بشكل بسيط شو الامكانيات يلي ممكن تضيفا لموقعك

لهيك في هل البوست عن افضل الاضافات

ملاحظة هامة لما تنزل اضافة لازم تنتبه من كم شغلة بالموضوع الامني شوف هل البوست عن امن مواقع WordPress

 

هيك منكون خلصنا الاقسام الاساسية يلي رح تستعملا بشكل دائم و رج نكمل بالبوست الجاي شرح الشغلات الباقية 

المقال القادم :

منتابع بشرح لوحة الاعدادات و رح نحكي عن الاعدادات و المستخدمين

والجزء الرابع و الاخير رح نحكي عن احلا شي كيف تنزل قوالب و تعدل عليها.