رخصة استخدام WordPress GPL

رخصة استخدام WordPress – license

ملاحظة هامة قبل ما نحكي عن رخصة استخدام WordPress

المعلومات التالية هي مجرد فهمي ل رخصة استخدام WordPress و انا مو محامي لهيك بتمنى شغلتين

اول شي اي خطأ في تنبهنا عليه بتكون مشكور

اتنين تاخد رأي مختص قانوني اذا الموضوع مهم بالنسبة لالك

شو يعني رخصة استخدام ؟

اذا كنت عربي ف ع الاغلب انت اول مرة بتسمع بهل الحكي لانو اغلب البلدان العربية قوانين حماية الملكية و خاصة للمنتجات البرمجية عندون مو مفعلة (موجودة بس مو مفعلة)

هلأ اذا كنت برا او عم تشتغل لشركة برا او حابب تسوق منتجك بمواقع برا انك تفهم رخص الاستخدام شي اساسي
لانو اي مخالفة مهما كانت رح تخل شغلك ينرفض و ممكن اسوء ممكن تتعاقب ب عقوبات مالية كبيرة و حتى سجن !

رخصة استخدام WordPress

WordPress مرخصة تحت وثيقة General Public License (GPL) يلي هي free softwear license

ملاحظة قبل ما نبلش بالشرح free جاي من freedom حرية مو free يعني free مجاني
يعني الك كامل الحرية تعمل يلي بدك ياه بالمنتج يلي ممكن يكون مو مجاني

رخصة استخدام WordPress  متل ما قلنا هي GPL مو بس WordPress كل القوالب و الاضافات يلي موجودة ع موقع ودربرس كمان تحت نفس الترخيص

خلينا نفوت بالتفاصيل:

صلاحيات يلي بتعطيك ياها الرخصة

الاستخدام لاغراض تجارية
التعديل على المشروع
توزيع المشروع
استخدام حقوق الملكية

شروط استعمال الرخصة

اي تعديل على البرنامج يجب ان يوثق *
ان يكون الكود المصدري للمشروع مكشوف ومتاح للجميع للوصول و التعديل *
اي تعديل يجب ان يصدر تحت نفس الرخصة GPL *
الاعلان عن الرخصة و حقوق الملكية في البرنامج

* تطبق القيود عند المشاركة و نشر التطبيق و لا تشمل الاستخدام الشخصي

الملخص

رخصة استخدام WordPress GPL بتعطيك كامل الصلاحية انك تستعمل المنتج كيف ما بدك ولشو ما بدك سواء استخدام شخصي او تجاري

رخصة استخدام WordPress GPL بتعطيك كامل الصلاحية انك تعدل المنتج كيف ما بدك و توزع التعديلات يلي عملتا كمان سواء استخدام شخصي او تجاري !
طبعا مع الحفاظ على حقوق الناشر الاساسي (قانونيا و اخلاقيا) يعني تكتب انو المنتج هو تعديل للمنتج كذا وانا عدلت كذا و ضفت كذا(مو تنسب الشغلة لالك كلا)

ترخيص GPL بيفرض انو يكون المشروع مفتوح المصدر يعني الكود المصدري متاح للكل ليقراه يعدل عليه او يطورو

ترخيص GPL هو ترخيص من نوع Copyleft وليس permissive متل ترخيص متل ال MIT

شو يعني Copyleft؟
يعني الترخيص متوارث يعني اي مشروع تحت ترخيص GPL كل تعديلاتو او اي اضافاتو رلازم تكون تحت ترخيض GPL كمان
يعني اذا نزلت قالب WordPress و عدلت عليه و قررت توزع تعديلك انت ملزم توزع تحت ترخيص GPL
ملاحظة هل الحكي يشمل التوزيع بس مو الاستعمال الشخصي يعني اي تعديل ع القالب اذا عم تستعملو بس انت بشكل شخصي مانك ملزم باي شي هل الحكي بيطبق بس عند التوزيع البيع او النشر…

رابط الرخصة : GPL

المقال التالي

WordPress من ناحية برمجية

اقتراح طلب مقالة

– عندي تعليق او سؤال بالتعليقات تحت
– خريج جديد و ما حدا عم يوظفك لانو ما عندك خبرة وحدة من الشغلات يلي فيك تعملا تكتب او تصور دروس تدربية متل هي و تنشرا اول شي بتتعلم شغلات جديدة و ممكن تفيد عالم تانية و مشان يصير عندك شي تحطو ب ال cv
لهيك اذا عندك مقالة بمجال برمجي فيك تبعتلنا ياها و منزلا باسمك و منحطلك رابط و يلي بدك ياه