WordPress لغير المختصين – دورة بناء وادارة موقع انترنت

WordPress لغير المبرمجين

WordPress هي اشهر خيار لاي شخص مو مختص حابب يصير عندو موقع انترنت

بس متل ما حكينا بالبوست الماضي دورة بناء وادارة موقع انترنت (مقدمة)  لازم يكون عندك شوية اساسيات قبل ما تبلش

المحتوى :
– بتعرف تنزل برنامج ؟!!
– شو في بدائل ؟

بتعرف تنزل برنامج ؟!!

في كتير دورات  للاسف عم تحاول تقلك WordPress للكل !
اي الموضوع سهل متل ما الفيسبوك سهل بس في عالم لهلأ ما بتعرف تشتغل ع الفيسبوك!!

الشغلة عادي مو عيب بس
خود وقتك تعلم الاساسيات تبع الكمببوتر و الانترنت الشغلة سهلة و بدا كم يوم
واذا بدك مصادر في بحر وفي كومة دورات وندوات ببلاش بس دور

طيب اذا كنت عم تشوف او تقرا دورة و بالدورة قلك روح ع الموقع الفلاني نزل البرنامج كذا
بتعرف تعمل هل الخطورة الاساسية ؟

اذا اي منيح اذا لأ و ما عندك اي فكرة او مو مجرب مسبقا
للاسف اظن WordPress مو لالك باختصار حاليا !

ادارة موقع WordPress مو صعبة مو بالسهولة يلي انت متخيلا
بس اذا كنت بمستوى خبرة تقني ضعيف لهل الدرجة انا برأي انت تشوف خيارات تانية لبين ما تتعلم او تقوى

خيارات تانية غير WordPress

اول خيار هو الفيسبوك!

مو شو بيشكي الفيسبوك في تنشر و في تسوق و فيك نوعا ما تبيع
اكيد مانو احترافي متل موقع خاص فيك بس احسن من موقع مو شغال!

خيار تاني wordpress.com

wordpress.com من WordPress بتقدملك خدمة مجانية بالاول لتعمل موقع بدون اي شغل بس بتكتب البوستات و بتنشر
طبعا الاشتراك المجاني محدود الخيارات بس جيد من ناحية انك تتعود تشتغل

الاشتراك الماجور فيك تعمل موقع كامل وهنوون بشغلولك ياه من الناحية التقنية كلفة هيك موقع مو كتير عالية 4-25 دولار بالشهر بس اغلا بكتير من انك تعمل موقع لحالك

برجع بذكر
انك ما تعرف تشتغل ع الكمبوتر شغلة عادية بس انك تتم ما تعرف تشتغل ع الكمبيوتر للاسف صرت تعتبر امي بهل العصر
خود وقتك تعلم الاساسيات تبع الكمبيوتر و الانترنت الشغلة سهلة و بِدا بس كم يوم
واذا بدك مصادر في بحر في كومة دورات وندوات ببلاش بس دور

المقال التالي

تدريب غملي اول موقع 

اقتراح طلب مقالة

– عندي تعليق او سؤال بالتعليقات تحت
– خريج جديد و ما حدا عم يوظفك لانو ما عندك خبرة وحدة من الشغلات يلي فيك تعملا تكتب او تصور دروس تدربية متل هي و تنشرا اول شي بتتعلم شغلات جديدة و ممكن تفيد عالم تانية و مشان يصير عندك شي تحطو ب ال cv
لهيك اذا عندك مقالة بمجال برمجي فيك تبعتلنا ياها و منزلا باسمك و منحطلك رابط و يلي بدك ياه