WordPress للمبرمجين – دورة بناء وادارة موقع انترنت

مبرمج WordPress

هل المقال مخصص للعالم يلي حابة تبلش تتعلم برمجة WordPress كمهنة

طيب شو يعني مبرمج WordPress ؟
هو الشخص يلي مهمته بتبلش من انشاء مواقع WordPress من قوالب و اضافات جاهزة
ل تصميم قوالب و برمجة اضافات سواء لشخص محدد او لتسويقها ع الانترنت

المحتوى:
– ليش بدي اتعلم WordPress ؟
– شغلات لازم اعرفا قبل ما بلش
– وين بلش

ليش بدي اتعلم WordPress ؟

اممم سؤال كبير وانا ما فيني جاوب عليه
انت بدك تجاوب ع هيك اسئلة لانو شو حابب تشتغل و شو تصير (بس تكبر) هي شغلتك انت
بس WordPress لازم تهتم فيا للاسباب التالية

WordPress معمولة ب php يعني اذا كنت ناوي تصير مطور ويب web developer و لو بالمستقبل
WordPress ضمن نفس المجال يعني مانك مضطر تتعلم شي جديد
حتى لو قررت انك تروح ع شي اعلى ك فريمورك framework او غيره

سوق العمل
سواء ك موظف بشركة او مكتب او كعمل حر
بسورية مواقع الانترنت صارت امر اعتيادي للشركات يعني الشركات المتوسطة و الكبيرة
كلا عرفت اهمية انا يكون عندا موقع
مو بس هيك عشرات المدونات (كلو ما شاء الله بدو يعبر عن رائيو)
وهل الشي صار واضح خاصة المدونات المربوطة بصفحات الفيسبوك متل نيودوس و الاوفردوس و كل توابعون صفحات الاخبار متل مراسلون …
هاد بالنسبة لالك كلو شغل شغل يعني مصاري مصاري يعني العاب جديدة وكلنا منحب العاب

سوق العمل الحر
اذا كنت متلي بتستخسر تمشط شعرك بالشركة يلي عم تشتغل فيا و حابب تشتغل
عمل حر freelancer ف برمجة المواقع web development بشكل عام و WordPress بشكل خاص هي هدفك

سنويا مثات ملايين الدولارات بتندفع ل قوالب و اضافات وغيرو
فوت ع غوغل و اعمول يحث ع wordpress theme
رح يطلعلك الف موقع كلون ع الاغلب بخلوك تبيع شغلك عندون مقابل نسبة من الارباح
الاشهر
themeforest  بدو بروكسي ب سورية
templatemonster

ع الثيم فورست في فرق مبيعاتا حوالي 10 مليون دولار!
اي و في عرب فريق مصري  مبيعاتون 2 مليون دولار !! اللهم لا حسد
العمل الحر [additionla notes – freelancer **]

شغلات لازم اعرفا قبل ما بلش WordPress

باختصار اذا بدك تشتغل صح لازم تكون تعرف تعمل موقع او شبه موقع ع ال php
يعني html,css,js,php,mysql
دورة php [php **]

وين بلش

في ع النت الاف الدورات من وين بدي بلش ؟

اول شي دور ع دورات انك تنزل WordPress تشغلا عندك
و تعلم تعمل موقع لحالك اول شي بدون اضافات و او قوالب
بس نزل كم بوست و عدل كم صفحة فتل بالاعدادات
وشوف شو الزرار الموجودة
تعرف ع الملفات المجلدات الاساسية

مثال عملي موقعك الاول

بلش بعدين نزل قوالب جرب شغلات بسيطة بالاول
شوف الملفات يلي بالقالب شوف كيف تعدل عليه
جرب ضيف اضافات دور ع النت شو ممكن و شو لازم تضيف
افضل الاضافات
الهدف الاساسي الك بالاول
انك تعرف تعمل موقع لزبون بدون برمجة يعني بدون انت ما تكتب قالب او اضافة
وهي شي ممكن باغلب الحالات لانو اغلب الزباين ما بدون اختراع الذرة
شوية بوستات او بجوز شوية غراض للبيع يعني شغلات معمولة مية مرة قبل

بس تقوى بهل المجال فيك تفوت ع تطوير قوالب theme وهي بحد ذاته مجال عمل ضخم
في كتير دورات عن الموضوع ع النت

اذا حبيت تروح ع شي اقرب الى البرمجة فيك تشوف دورات تطوير اضافات

المقال التالي

WordPress من ناحية برمجية 

اقتراح طلب مقالة

– عندي تعليق او سؤال بالتعليقات تحت
– خريج جديد و ما حدا عم يوظفك لانو ما عندك خبرة وحدة من الشغلات يلي فيك تعملا تكتب او تصور دروس تدربية متل هي و تنشرا اول شي بتتعلم شغلات جديدة و ممكن تفيد عالم تانية و مشان يصير عندك شي تحطو ب ال cv
لهيك اذا عندك مقالة بمجال برمجي فيك تبعتلنا ياها و منزلا باسمك و منحطلك رابط و يلي بدك ياه