WordPress مشروع عملي – موقعي الاول

WordPress مشروع عملي – موقعي الاول

بهل البوست رح نعمل اول موقع WordPress لالنا الموضوع مو صعب بدو شوي شغل بس نحن لها!

اول شي اذا كان عندك خبرة برمجية بمواقع الانترنت من قبل و مشان ما نمللك بالتفاصيل يلي بتعرفا عملنالك قسم ملخص اخر شي ما في داعي تقرا من الاول

اتنين يفضل تكون قريت اساسيات WordPress مشان تكون صرت تعرف ع القليلة المصطلحات

سيرفر محلي Localhost

ب بوست اساسيات WordPress حكينا شو يعني سيرفر محلي و عطينا كم مثال وقلنالك دور ع النت و رح تلاقي مية فيديو و مقال عن الموضوع هلأ اذا ما دورت رح نعلمك هون بالتفصيل ما تخاف

– اي سيرفر محلي بدي نزل ؟
كل نظام تشغيل موجود لالو سيرفر محلي كلو ببلاش و شبه متطابق باستثناء فروق بسيطة
اذا كنت مستخدم ويندوز في عندك WampServer جماعة اللينكس عندون LampServer و الماك عندون MampServer
في XamppServer هاد وين ما بدك بيشتغل

هلأ انا دقة قديمة وبحب اشتغل ع ال xampp لانو خفيف مقارنة بالبقية و في الشغلات الاساسية يلي بدي ياها و اكتر من هيك حاليا مو بحاجة و لانو ال WampServer حاظرين سورية يعني بدك بروكسي لتنزلو (** الوالدة تبعون)

لهيك بتروح ع غوغل بتعمل بحث ع XamppServer بتفوت ع  الموقع يلي طلعلك اول شي www.apachefriends.org
بتكبس download تنزيل وخالصين
في داعي اشرحلكون كيف بتنزلو برنامج ؟!

اذا ما بتعرف تنزل برنامج شوف هي البوست WordPress لغير المختصين

بعد ما تنزل السيرفر المحلي شو ما كان السيرفر شغلو رح يطلعلك نتيجة قريبة

يلي بدنا ياهون نحن هو ال apache وهو سيرفر php

و mysql يلي هي قاعدة البيانات

كبوس start جنب كل وحدة منون و مفترض يعطيك بالاخضر انو اشتغلو

ملاحظة اذا عطاك اصفر  و عطاك خطأ بالاحمر تحت بس انساخ الخطا يلي طلعلط و دور عليه ع جوجل بالعادة بتكون الشغلة كتير بسيطة و بتتزبط بكبستين اذا ما مشي الحال معك حطا بالتعليقات و منساعدك

الشغلة التانية يلي بدنا ياها هي config تبع ال apache اذا كبست عليها بيطلعلك قائمة نقي منها php.ini
رح يطلعلك ملف نصي هاد هو ملف اعدادات ال php يلي بجوز تحتاج تعدل عليه لبعدين
بس تخلص و بدك تطفي اكبوس stop و quit ع اليسار لتطفي

طيب اشتغل السيرفر بس وين السيرفر ؟

اوكي فوت ع ال c: عندك بتلاقي ملف اسمو xampp او wamp او اي شي منزلو انت

جوات هاد الملف دور ع ملف اسمو www او htdocs حسب شو البرنامج يلي منزلو هاد الملف هو السيرفر المحلي يعني اي شي بتحطو جوا هاد الملف كاني انت حاطو ع استضافة ع النت

تعا نجرب …فرضا بدنا نعمل موقع اسمو alphad عمول ملف جوا و سميه alphad و فوت ع المتصفح عندك firefox مثلا و كتوب بال مسار URL فوق
http://localhost/alphad
طبعا ما رح يطلعلك شي لانو الملف فاضي

كل ملفات الموقع بتحطا ب   c:wamp/www/alpha او  c:xampp/htdocs/alpha
واذا بدك تشغل الموقع و تشوف النتيجة بتشغل ال سيرفر و بتفوت ع المتصفح ع localhost/alpha

نزل WordPress

فوت ع wordpress.org كبوس تنزيل download بينزل ملف ال WordPress مضغوط
جيب الملف “حزور لوين” اي ل ملف السيرفر المحلي يلي سميناه بمثالنا alphad
وعملو فك ضغط لملف ال  WordPress و خالص مو هون

قاعدة البيانات Database

اوك شغل السيرفر المحلي شغل ال apache و شغل ال mysql
كبوس admin عند قاعدة البيانات

بقلك شو كلمة السر و اسم المستخدم
الاسم root كلمة السر فاضية
هلأ يما انو لسا الشغل ع كمببوترك مو مشكلة بس ترفعو ع سيرفر ع الانترنت اكيد بدك كلمة سر قوية

المهم رح بيطلعلك قواعد البنانات يلي موجودة عندك
كبوس قاعدة بيانات جديدة New Database بعدين حط اسم قاعدة الببانات يلي بدك تعملا بالانكليزي بالعادة نفس اسم الموقع
فرضا alphad و نقي الترميز utf8_general_ci و عملو انشاء و خالصين

شغل WordPress

شغل ال سيرفر المحلي و فوت ع المتصفح فيرفوكس مثلا
فوت ع localhost/website-name/index.php   بمثالنا رح يكون  localhost/alphad/index.php

بيطلعك فورم بيسالك كم سوال شو اسم قاعدة الببانات يلي عملناها و شو اسم المستخدم و كلمة السر
و كم سوال بايخ بس تخلص
بياخدك ع موقعك مبروك

المختصين من هون

نزل سيرفر محلي localhost اذا ما عندك
فوت ع wordpress.org نزل ملف ال وردبرس
عملو للملف فك ضغط و حطو ب السيرفر محلي htdocs او www
عمول قاعدة ياينات فاضية
شغل ال سيرفر المحلي و فوت ع المتصفح ع localhost/website-name//index.php
بيطلعك فورم بيسالك كم سوال شو اسم قاعدة الببانات و شو اسم المستخدم و كلمة السر و كم سوال بايخ و هيك بتكون خالص !!

شو هلأ ؟

مشروع عملي اول بوست

اقتراح طلب مقالة

– عندي تعليق او سؤال بالتعليقات تحت
– خريج جديد و ما حدا عم يوظفك لانو ما عندك خبرة وحدة من الشغلات يلي فيك تعملا تحتب او تصور دروس تجربية متل هي و تنشرا اول شي بتتعلم شغلات جديدة ممكن تفيد عالم تانية و مشان يصير عندك شي تحطو ب ال cv
لهيك اذا عندك مقالة بمجال برمجي فيك تبعتلنا ياها و منزلا باسمك و منحطلك رابط و يلي بدك ياه