WordPress مشروع عملي – الاعدادات

WordPress مشروع عملي – الاعدادات

البوست الماضي حكينا كيف منزل اول بوست لالنا ب WordPress

واليوم رح نتابع حكي عن الخيارات الموجودة بلوحة التحكم

و الخيارات يلي رح نحكي عنا اليوم هي يلي الا علاقة بالاعدادات تبع الموقع

المحتوى:
– المستخدمين Users
– الاعدادات Setting

المستخدمين Users

هون بيطلعلك كل المستخدمين المسجلين بالموقع و معلومات عنون

وفيك من خيار ملف الشخصي  تفوت ع ملفك و تغير يلي بدك ياه الاسم المعلومات كلمة السر و …

من خيار اضافة مستخدم جديد add new user فيك تضيف مسؤول جديد للموقع admin

بتعبي المعلومات الشخصية تبع الزلمة بس اهم خيار هو الدور role ولازم تكون منتبه شو عم تنقي

الدور يعني الصلاحيات يلي المستخدم في يعملا والخياارت هي :

المشترك subscriber :

اقل مستوى من الصلاحيات (ما في يعمل شي) المستخدم من هل النوع بحقلو يغير معلوماتو الشخصية بس يعني الاسم وصورتو

المستخدمين من هل النوع هنون العالم يلي بتشوف موقعك و بتعمل حساب مشان تتفاعل مع البوستات او تعلق

اغلب مواقع WordPress حاليا فيها التعليق بيجي عن طريق حساب الفيسبوك لانو المستخدم ما الو مروة يعمل حساب جديد ع موقعك

مساهم contributor :

المستخدم من هاد الصلاحية في يضيف بوستات

يعني اذا بدك تضيف حدا يساعدك بالكتابة ب الموقع بس تخلي كلشي بايدك هاد هو الحل

ملاحظة من ناحية امنية ينصح انك تعمل لحالك حسابين واحد ادمن و واحد مساهم

و تفوت ع الموقع من حساب المساهم مشان اذا صار و حدا حسن هكر حسابك ما رح يحسن يعمل اي شي غير انو يحذف كم بوست

كاتب author :

اذا الموقع يلي عم تشتغل عليه صار كبير و صار بدك مساعدك بالكتابة و النشر فيك تضيف معك كاتب

الكاتب بيفرق عم المساهم انو في يعدلو يحذف البوستات يلي هو كتبها فقط

المعد editor :

المعد في يتحكم بكل المحتوى المنشور متل رئيس تحرير الجريدة

في يضيف يحذف يعدل كل البوستات يلي كاتبا و يلي كاتبا غيرو في يعدل الفئات والتعليقات و كلشي الو علاقة بالمحتوى

الشي الوحيد يلي ما في يعملو هو تعديل الاعدادات تبع الموقع و الاضافات و القوالب

هلا ينصح اذا موقعك صار كبير و صار عندك اكتر من كاتب و بدك حدا لحتى يدير بالو  ع المحتوى انك تعين حدا ثقة و بيفهم يكون معد

الادمن admin :

المستخدم مع الصلاحيات الاعلى (في يعمل كلشي) هو الوحيد يلي في يعدل اعدادات الموقع القالب و الاضافات كمان هو الوحيد يلي في يعدل المستخدمين يعني يضيف و يحذف

*في اضافات بتخليك تفصل الصلاحيات يلي بدك ياها ع مزاجك اذا طان في حاجة للموضوع

الاعدادات setting

جوا الاعدادات في اكتر من صفحة وخيار بالقائمة الصغيرة رح نبلش وحدة وحدة

اعدادت عامة general :

هون اعدادت الموقع العامة متل اسم الموقع الشعار و اللغة اعدادت الوقت و الايميل …

هون بتحدد كم بوست بدك ياه يطلع بالصفحة الوحدة واذا بدك يطلع النص كامل ولابس ملخص

و الخيار الاهم هو الصفحة الرئسية (الصفحة يلي بتطلعلك لما تفوت ع الموقع) افتراضيا WordPress رح تعرض بهل الصفحة اخر البوستات يلي نزلتا بس اذا بتحب فيك تنقل البوستات لصفحة خاصة و تخلي الصفحة الرئيسة صفحة تانية فيك تنقيا متل ما بدك

ملاحظة : اذا بدك الموقع مثلا عربي بس لوحة التحكم انكليزي فيك تحط الموقع عربي من الاعدادات العامة بعدين تفوت ع حسابك الشخصي من المستخدمين و تحدد اللغة يلي بدك ياها للوحة التحكم

النقاشات التعليقات Discussion

اعدادات التعليقات ع المنشورات في كومة اعدادت فوت وشوفون

فيك تنقي اذا بدك تعليقات او تطفيا و كم عدد التعليقات يلي تطلع و اذا بدك توافق ع التعليق قبل ما ينزل او لأ….

الرابط Permalink

هون في تنقي شكل المسار url يلي WordPress رح يعملو لصفحاتك اذا كنت مبرمج رح تعرف شو هل الحكي بس اذا لأ رح نشرحلك

فوت ع المتصفح الانترنت عندك (فيرفوكس – كروم…) وفوت ع الموقع تبعك رح يكون الرابط فوق ع الشكل

localhost/website-name هلأ بس تنشر الموقع ع الانترنت الرابط رح تكون اسم الدومين تبعك مثلا alphadsy.com

طيب فوت ع شي مقال رح تشوف الرابط تغير و صار مثلا http://localhost/alphad/wordpress/wordpress/?p=123

طيب شو يعني هل الشي يعني انو هو عم يعرض المقال المقال يلي رقمو 123 هاد اسمو الرابط

و فيك تغير الشكل العام متل ما بدك يعني مثلا في تخليه

alphad/wordpress/wordpress/2018/03/15/sample-post/ التاريخ بعدين اسم المقال

او اسم المقال فورا alphad/wordpress/wordpress/sample-post/

او اي شكل بدك ياه ع سبيل المثال

بصفحتنا نحن منقين /%category%/%postname%/ يعني اسم الفئة بعدين اسم المقال

طيب انا شو بنقي و شو كتير الفرق اذا المقال نفسو نفسو عم ينعرض ؟!
الموضوع الو علاقة بالموقع نفسو وشو نوع الموقع متجر مدونة او غيرو

و لازم تنقي الرابط الاريح للمستخدم ليوصل للصفحة هلأ صحيح انو المستخدم اساسا ما رح يتعامل مع الرابط لانو رح يروح من صفحة لصفحة عن طريق الزرار و القائمة

بس حلو ومفيد انو يكون الرابط سهل القراءة و بعبر عن جد وين انا بالموقع

المقال القادم :

هيك بكون لسا في جزء اخير  وهو التعديل على المظهر يعني تقيير القوالب و التعديل هليها