ايمت ما تستخدم WordPress ؟!

ايمت ما تستخدم WordPress ؟!

نادرا ما تشوف حدا عم يجاوب ع هاد السؤال مع انو سؤال كتير مهم
اول شي بدك تفهم هل النقطة
في صراع مصالح هون يعني يلي بيشتغل كمطور قوالب او اضافات WordPress من مصلحتو التجارية يسوق لالها انها الحل الامثل لكلشي

و على الطرف المقابل في مبرمج الويب يلي هدفو يضرب WordPress يلي عم تنافسو ع الزباين
لهيك صعب تلاقي رأي موضوعي بالقصة

اذا بدك جواب ع السريع اغلب المواقع المطلوبة هي مواقع بسيطة معروفة و صغيرة لحد المتوسطة
و WordPress  يهيك حالة ممتازة لهيك حوالي30% من مواقع العالم حاليا بتشتغل WordPress

بس في شوية حالات بجوز تكون مو فكرة كويسة لانو  تذكر في فرق فرق بين “بيشتغل” و “بيشتغل منيح”

طيب شو هي المشاكل يلي بتمنعمني اني استعمل WordPress وين ما كان ؟!

الهدف :

باختصار WordPress انعملت كاداة لادارة المدونات الشخصية بس
يعني كم بوست ع كم صفحة هلا بعدين تطورت و صارت تخدم انواع تانية من المواقع
بس خلينا ما ننسى انو هي بالاساس مصممة لادراة مواقع صغيرة و متسوطة بحد اقصى

الكود :

اي حدا اشتغل WordPress و شاف الكود و طريقة عمل القوالب و الاضافات بيعرف انو الموضوع
ماشي بقدرة قادر يعني واضح جدا انو في حدود للتوسع

هلأ هل الحدود بتغطي كل الشغلات الاساسية يلي هي اغلب حاجة السوق من المواقع اي بس اكتر من هيك صعب تطلع

الاداء :

الاداء الو علاقة بكتير شغلات ابرزها صراحة الاستضافة يلي مستخدما و يلي هي باغلب حالات مواقع WordPress
استضافة مشتركة رخيصة يعني بس يزيد عدد الزوار رح يصير الاداء سيئ

العامل التاني بالاداء هو كتابة الكود الاضافات الكتيرة يلي ببساطة مكتوبة كل وحدة لحال ممكن تشكل ضغط ع الموقع
و تسسبب بطى ومشاكل

هلأ WordPress بتخدم مواقع كبيرة بمثات الاف الزوار مزبوط هل الشي بس الشغلة صار بدا استضافة كويسة و حدا خبير يزبطلك موقعك ليقدم اداء كويس

هل الحكي يلي حكيناه لا يطبق ع اغلب المواقع الصغيرة

يعني كلشي باخرته “شخصي” موقعك الشخصي شركتك الشخصية حتى متجرك الصغير الشخصي
بهل السيناريوهات WordPress حل ممتاز و فوادها اكبر بكتير من سلبياتا

بس بدك تحسب لقدام
يعني موقعك الحالي صغير بس مو ضروري يتم هيك يجوز بعد سنتين تلاتة يتوسع الموقع بشكل كبير

طيب شو بتعمل بهي الحالة ؟

هلأ في عدة حلول متل ما حكينا منا الو علاقة بالاستضافة بتشتري استضافة اكبر و اقوى
و في عدة طرق اتحسن اداء WordPress نفسا وتخليا افضل ا واسرع [additional notes – WP performance **]

ملخص الحالات يلي لازم ما تستعمل WordPress فيا هي

المواقع الغير شخصية يعني اي شي انت انتقلت فيه من متجر شخصي ل موقع بقدم خدمة افتاح متاجر لاي مستخدم
المواقع يلي الاداء عامل كتير مهم فيا (متاجر الكترونية كبيرة – مواقع تواصل اجتماعي كبيرة)
المواقع يلي الامن عامل كتير مهم فيا (متاجر الكترونية كبيرة)
المواقع يلي بتقدم خدمات كتير مخصصة و فريدة (خدمات متل هي مارح تلاقي منا اضافات )

اقتراح طلب مقالة

– عندي تعليق او سؤال بالتعليقات تحت
– خريج جديد و ما حدا عم يوظفك لانو ما عندك خبرة وحدة من الشغلات يلي فيك تعملا تحتب او تصور دروس تجربية متل هي و تنشرا اول شي بتتعلم شغلات جديدة ممكن تفيد عالم تانية و مشان يصير عندك شي تحطو ب ال cv
لهيك اذا عندك مقالة بمجال برمجي فيك تبعتلنا ياها و منزلا باسمك و منحطلك رابط و يلي بدك ياه